સૂત્રો અનુસાર બડગામ પોલીસે 53 આરઆર સાથે ચાર આતંકીઓની ધરપકડ કરી છે. જેની ઓળખ વસીમ ગની, ફારુક અહમદ, મોહમ્મદ યાસીન અને અઝહરુદ્દીન તરીકે થઈ છે. તેમની પાસેથી હથિયાર અને દારુગોળો મળી આવ્યો છે. પોલીસ રેકોર્ડ અનુસાર આ ચારો આતંકી તે વિસ્તારમાં સક્રિય લશ્કરના આતંકવાદીઓને સામગ્રી પૂરી પાડતા હતા અને આશરો પણ આપતા હતા. પોલીસે વધુ તપાસ હાથ ધરી છે.
ઉલ્લેખનીય છે કે, 16 મેના રોજ બડગામમાં લશ્કરના આતંકી મૉડ્યૂલનો પર્દાફાસ કર્યો હતો અને તે સમયે 5 મિલિટન્ટની ધરપકડ કરી હતી. જ્યારે 20 મેના રોજ માગામમાં એક મોડ્યૂલનો પર્દાફાશ કર્યો હતો અને ત્યારે ચાર આતંકીઓની ધરપકડ કરી હતી.