ફડણવીસના રાજીનામા બાદ પત્નીએ શું કર્યુ ટ્વિટ ? જાણો વિગત

અમૃતાએ પોસ્ટની શરૂઆતમાં એક ગઝલની પંક્તિ લખી છે. જે બાદ તેણે લખ્યું, “યાદગાર પાંચ વર્ષ માટે મહારાષ્ટ્રનો આભાર.

મુંબઈઃ મહારાષ્ટ્રમાં દેવેન્દ્ર ફડણવીસની સરકાર માત્ર 80 કલાકમાં જ પડી ગઈ હતી. 23 નવેમ્બરે સવારે તેમણે શપથ લીધા હતા અને આજે રાજીનામું આપી દીધું હતું.  આ પહેલા અજીત પવારે પણ નાયબ મુખ્યમંત્રી પદેથી રાજીનામું આપી દીધું હતું. જે બાદ દેવેન્દ્ર ફડણવીસની પત્ની અમૃતા ફડણવીસે પણ સોશિયલ મીડિયા પર પોસ્ટ કરીને મહારાષ્ટ્રનો આભાર માન્યો હતો.

અમૃતાએ પોસ્ટની શરૂઆતમાં એક ગઝલની પંક્તિ લખી છે. જે બાદ તેણે લખ્યું, “યાદગાર પાંચ વર્ષ માટે મહારાષ્ટ્રનો આભાર. તમે જે પ્રેમ આપ્યો છે તે હંમેશા મારી યાદોમાં રહેશે. સકારાત્મક બદલાવ લાવવા માટે મેં પૂરી ક્ષમતા સાથે કોશિશ કરી. જય હિંદ, જય ભારત!”