કોરોના વાયરસની ભારતીય અર્થવ્યવસ્થા પર પડી રહેલી અસરન જોતાં મૂડીઝે આ ગ્રોથ અનુમાન સંશોધિત કર્યું છે. તે સિવાય એ પણ કહ્યું કે ઘરેલું માંગમાં ઘટાડો, સેવાઓના વિસ્તરણમાં ઘટાડો અને માલની સપ્લાઈ પર અસર પડવાના કારણે આ નકારાત્મક અસર ભારતની ઈકોનોમી પર જોવા મળી રહી છે. સપ્લાઈ ચેન પર અસર પડી રહી છે અને દેશોની વચ્ચે થતા વ્યાપાર પર અસર પણ ભારત પર છે.
ઉલ્લેખનીય છે કે, આ પહેલા મૂડીઝે વર્ષ 2020 માટે દેશનું જીડીપી અનુમાન 5.4 ટકા કરી દીધું હતું જે આ પહેલાના અનુમાન 6.6 ટકા કરતા પણ ઘણું ઓછું છે. જો કે વર્ષ 2021 માટે મૂડીઝે કહ્યું કે, આ વર્ષમાં ભારતનો વિકાસ દર 5.8 ટકા આવી શકે છે.
રિઝર્વ બેન્કના ગવર્નર શક્તિકાંતા દાસે પણ જીડીપી અંગે કહ્યું હતું કે કોરોના વાયરસની અસરના કારણે દેશની જીડીપી પર અસર પડી શકે છે.
આ પહેલા સરકારી આંકડા અનુસાર, ચાલુ નાણાકીય વર્ષના ત્રીજા ત્રિમાસિક ગાળામાં જીડીપી ગ્રોથ રેટ સામાન્ય સુધારા સાથે 4.7 ટકા રહ્યો હતો. બીજા ક્વાર્ટમાં જીડીપી દર 4.5 ટકા હતો અને તે સાડા છ વર્ષના નીચલા સ્તરે આવી ગયો હતો.