Covid cases in Mumbai: મુંબઇમાં 24 કલાકમાં કોરોનાના નવા 20,181 કેસ નોંધાયા

મુંબઇમાં છેલ્લા 24 કલાકમાં 20,181 કોરોનાના  કેસ નોંધાયા છે અને ચાર લોકોના મોત થયા છે. આ સાથે જ  મુંબઇમાં કોરોનાના દર્દીઓની સંખ્યા વધીને 79,260 થઇ ગઇ છે.

Covid Cases in Mumbai: મુંબઇમાં છેલ્લા 24 કલાકમાં 20,181 કોરોનાના  કેસ નોંધાયા છે અને ચાર લોકોના મોત થયા છે. આ સાથે જ  મુંબઇમાં કોરોનાના દર્દીઓની સંખ્યા વધીને 79,260 થઇ ગઇ છે. શહેરની હોસ્પિટલમાં 16 ટકા બેડ દર્દીઓથી ફૂલ થઇ ગયા છે. જ્યારે 500થી વધુ ઇમારતોને સીલ કરી દેવામાં આવી છે.  જ્યારે કોરોનાથી સંક્રમિત 2437 ગુરુવારે સ્વસ્થ થયા હતા.

બીએમસીના કહેવા અનુસાર મુંબઇની ધારાવીમાં ગુરુવારે 107 નવા કોરોનાના દર્દીઓ  નોંધાયા છે. હવે ધારાવીમાં કોરોનાના દર્દીઓની સંખ્યા 7626 સુધી પહોંચી ગઇ છે. મુંબઇમાં એક્ટિવ કેસની સંખ્યાવધીને 79,260એ પહોંચી છે. મુંબઈમાં આજે 67 હજાર લોકોના ટેસ્ટ કરવામાં આવ્યા જેમાં 20,181 લોકોના રિપોર્ટ પોઝિટિવ આવ્યા છે. એટલે કે આજે પોઝિટિવિટી રેટ 29.90 નોંધાયો છે.

આ ખતરા વચ્ચે બીએમસીએ કહ્યુ હતું કે જો મુંબઇમાં કોરોનાના એક દિવસમાં 20 હજારથી વધુ કેસ આવવા લાગ્યા તો ફરીથી લોકડાઉન લગાવવાનો નિર્ણય લેવામાં આવી શકે છે. એટલે કે હવે શહેરમાં કડક નિયંત્રણો લગાવવામાં આવી શકે છે. વાસ્તવમાં છેલ્લા અનેક દિવસોથી સતત કોરોનાના રેકોર્ડ તૂટી રહ્યા છે. નિષ્ણાંતોના મતે મુંબઇમાં ઓમિક્રોન વેરિઅન્ટનું કોમ્યુનિટી સ્પ્રેડ થઇ ચૂક્યું છે. છેલ્લા 24 કલાકમાં મહારાષ્ટ્રમાં ઓમિક્રોનના નવા 144 કેસ નોંધાયા છે.

બીજી તરફ દિલ્હીમાં કોરોના પોઝિટિવની સ્પીડ ત્રણ દિવસમાં ત્રણ ગણી વધી ગઈ છે. 4 જાન્યુઆરીએ દિલ્હીમાં 5481 કેસ સામે આવ્યા હતા, 5 જાન્યુઆરીએ કેસ વધીને 10,655 થઈ ગયા. 6 જાન્યુઆરી એટલે કે આજે 15,097 કેસ મળ્યા છે. આજે કોરોના સંક્રમિત 6 લોકોએ જીવ ગુમાવ્યા છે. દિલ્હીમાં પોઝિટિવિટી રેટ 15.34 થઈ ગયો છે.

 

આ પણ વાંચો.....