Presidential Election 2022 Live: રાષ્ટ્રપતિ ચૂંટણીનું મતદાન પૂર્ણ, ગુજરાતના તમામ ધારાસભ્યોએ કર્યું વોટિંગ, જાણો કોંગ્રેસના કયા નેતાએ કર્યું સૌથી છેલ્લે મતદાન

ચૂંટણી પંચ અનુસાર આ વખતે એક સાંસદના વોટની કિંમત 700 છે. તે જ સમયે, દરેક ધારાસભ્યના મતનું મૂલ્ય અલગ-અલગ રાજ્યોમાં અલગ-અલગ હોય છે.

બ્રેકગ્રાઉન્ડ

Presidential Election 2022: રાષ્ટ્રપતિની ચૂંટણી માટે આજે મતદાન થવાનું છે. 21 જુલાઈએ પરિણામોની ઘોષણા પછી, નવા રાષ્ટ્રપતિનો શપથ ગ્રહણ સમારોહ 25 જુલાઈ, 2022 ના રોજ યોજાશે. આજે યોજાનારી રાષ્ટ્રપતિની ચૂંટણીની તૈયારીઓ પૂર્ણ કરી લેવામાં આવી છે. સંસદભવનના રૂમ નંબર 63માં 6 બૂથ બનાવવામાં આવ્યા છે. જેમાં એક દિવ્યાંગ મતદાર માટે છે. વિવિધ રાજ્યોના કુલ 9 ધારાસભ્યો સંસદ ભવનમાં મતદાન કરશે. યુપીમાંથી 4, ત્રિપુરામાંથી 2, આસામમાંથી 1, ઓડિશામાંથી 1, હરિયાણામાંથી 1 જ્યારે વિધાનસભાઓમાં 42 સાંસદો મતદાન કરશે.

18/07/2022 17:20:47

રાષ્ટ્રપતિ ચૂંટણીનું મતદાન પૂર્ણ

રાષ્ટ્રપતિ ચૂંટણીનું મતદાન પૂર્ણ થઈ ગયું છે. 21 જુલાઈએ મતગણતરી થશે,

18/07/2022 17:09:49

ગુજરાતના તમામ ધારાસભ્યોએ કર્યું વોટિંગ

રાષ્ટ્રપતિ ચૂંટણીમાં ગુજરાતના તમામ ધારાસભ્યોએ વોટિંગ કર્યુ છે. કોંગ્રેસના મોહનભાઈ વાળાએ સૌથી છેલ્લે મતદાન કર્યુ હતું. પિતાના મૃત્યુના કારણે મતદાન કરવામાં મોડું થયું હતું.

18/07/2022 16:36:13

મમતા બેનર્જીએ કર્યુ મતદાન

18/07/2022 14:39:30

આ મહાનુભાવોએ આપ્યો વોટ

18/07/2022 14:06:30

ગુજરાતમાં ક્રોસ વોટિંગ

ગુજરાત રાષ્ટ્રવાદી કોંગ્રેસના ધારાસભ્ય કાંધલ એસ. જાડેજાએ કહ્યું કે તેમણે NDAના રાષ્ટ્રપતિ પદના ઉમેદવાર દ્રૌપદી મુર્મુની તરફેણમાં મતદાન કર્યું છે. સમાચાર એજન્સી ANIએ આ સમાચાર આપ્યા છે.

18/07/2022 12:23:15

આદિત્ય ઠાકરેએ કર્યું વોટિંગ

આદિત્ય ઠાકરએ કહ્યું, આજની રાષ્ટ્રપતિની ચૂંટણીમાં શિવસેના દ્રૌપદી મુર્મુને સમર્થન આપી રહી છે. અમે માનીએ છીએ કે રાષ્ટ્રપતિની ચૂંટણી કોઈપણ રાજકીય ચૂંટણી કરતાં અલગ હોય છે. તે સર્વોચ્ચ પદ છે અને યોગ્ય ઉમેદવારને મત આપવો જોઈએ.

18/07/2022 11:59:20

અમિત શાહે કર્યું વોટિંગ

કેન્દ્રીય ગૃહમંત્રી અમિત શાહે રાષ્ટ્રપતિ ચૂંટણીને લઈ મતદાન કર્યું. ગુજરાતના 100થી વધુ ધારાસભ્યો અત્યાર સુધીમાં મતદાન કરી ચુક્યા છે. ભાજપના 60 અને કોંગ્રેસના 55 ધારાસભ્યોએ મતદાન કર્યુ છે.

18/07/2022 11:38:17

પૂર્વ પીએમ મનમોહન સિંહે કર્યુ મતદાન

પૂર્વ પ્રધાનમંત્રી મનમોહન સિંહ વ્હીલચેર પર બેસીને મતદાન કરવા આવ્યા હતા. ગુજરાતમાં અત્યાર સુધીમાં ભાજપના 35 ધારાસભ્યો રાષ્ટ્રપતિ ચૂંટણીમાં મતદાન કરી ચુક્યા છે. હેમા માલિની, અનુરાગ ઠાકુર, હિમાચલ પ્રદેશના સીએમ જયરામ ઠાકુર, મહારાષ્ટ્રના મુખ્યમંત્રી એકનાથ શિંદે પણ મતદાન કરી ચુક્યા છે.

18/07/2022 10:25:56

ઓડિશાના સીએમે કર્યુ મતદાન

18/07/2022 10:27:42

મોદી - ભુપેન્દ્ર પટેલે કર્યુ મતદાન

દેશના 15મા રાષ્ટ્રપતિની ચૂંટણીનું મતદાન શરૂ થઈ ગયું છે. પ્રધાનમંત્રી નરેન્દ્ર મોદીએ દિલ્હીમાં મતદાન કર્યુ છે. ગુજરાતમાં પણ વિધાનસભા પરિસરમાં મતદાન થઈ રહ્યું છે.  મુખ્યમંત્રી ભૂપેન્દ્ર પટેલ, પૂર્વ વિજય રૂપાણી સહિત ઘણા નેતાએ મતદાન કર્યુ છે.

18/07/2022 10:07:23

મતદાન શરૂ

રાષ્ટ્રપતિ ચૂંટણીનું મતદાન શરૂ થઈ ગયું છે. ઉત્તરપ્રદેશના મુખ્યમંત્રી યોગી આદિત્યનાથે મતદાન કર્યુ છે. સાંજે 5 વાગ્યા સુધી મતદાન યોજાશે.

18/07/2022 09:47:30

પ.બંગાળમાં ભાજપના ધારાસભ્યો વિધાનસભા પહોંચ્યા

18/07/2022 09:46:18

કોંગ્રેસનો એક પણ ધારાસભ્ય ફૂટશે નહીઃ સુખરામ રાઠવા

રાષ્ટ્રપતિની ચૂંટણી અંગે ગુજરાત વિધાનસભાના વિરોધ પક્ષના નેતા સુખરામ રાઠવા એ મોટું નિવેદન આપતા જણાવ્યું છે કે દ્રૌપદી મુર્મૂ આદિવાસી સમુદાયના છે અમને તેના પર ગર્વ છે. પરંતુ ભારતીય જનતા પાર્ટી તેમને રબર સ્ટેમ્પ બનાવવા માગે છે એટલે અમે તેમને મત નહીં આપીએ. સાથે જ તેમણે એવું પણ જણાવ્યું છે કે રાજ્યસભાની ચૂંટણીની જેમ કોંગ્રેસના એક પણ ધારાસભ્ય ફૂટશે નહીં, તમામ ધારાસભ્યો વિપક્ષના રાષ્ટ્રપતિના ઉમેદવાર યશવંત સિંહા ને જ મત આપશે. અગાઉના રાષ્ટ્રપતિની કાર્ય પદ્ધતિ અંગે વાત કરતા તેમણે જણાવ્યું કે લોકસભામાંથી ઘણા ત્રુટીયુક્ત કાયદાઓ પસાર થયા હતા તે પાછા કરવાના બદલે તેના ઉપર સહી રાષ્ટ્રપતિએ કરી હતી આવું અમે ઇચ્છતા નથી. જેના કારણે વિચક્ષણ બુદ્ધિ ધરાવતા રાષ્ટ્રપતિ દેશ માટે ચૂંટવા માગીએ છીએ.

18/07/2022 09:25:17

કોણ છે દ્રૌપદી મુર્મુ

રાષ્ટ્રપતિની ચૂંટણીમાં દ્રૌપદી મુર્મુ એનડીએના ઉમેદવાર છે. દ્રૌપદી મુર્મુ આદિવાસી સમુદાયમાંથી આવે છે. મુર્મુ અનુસૂચિત જનજાતિના બીજા વ્યક્તિ છે જેમને ભારતના રાષ્ટ્રપતિ પદ માટે ઉમેદવાર તરીકે નામાંકિત કરવામાં આવ્યા છે. તેઓ અગાઉ 2015 થી 2021 સુધી ઝારખંડના નવમા રાજ્યપાલ તરીકે સેવા આપી ચૂક્યા છે. જો દ્રૌપદી મુર્મુ રાષ્ટ્રપતિની ચૂંટણી જીતશે તો તે રાષ્ટ્રપતિ બનનાર પ્રથમ આદિવાસી મહિલા હશે.

18/07/2022 09:24:36

યશવંત સિંહા વિપક્ષના ઉમેદવાર

વિપક્ષ વતી પૂર્વ કેન્દ્રીય મંત્રી યશવંત સિન્હાને ઉમેદવાર બનાવવામાં આવ્યા છે. તેમણે 1990 થી 1991 સુધી ભૂતપૂર્વ વડા પ્રધાન ચંદ્રશેખરની સરકારમાં અને ફરીથી 1998 થી 2002 સુધી ભૂતપૂર્વ વડા પ્રધાન અટલ બિહારી વાજપેયીની સરકારમાં નાણાં પ્રધાન તરીકે સેવા આપી હતી. યશવંત સિંહા વિદેશ મંત્રી તરીકે પણ રહી ચૂક્યા છે. 2018માં પાર્ટી છોડતા પહેલા તેઓ ભારતીય જનતા પાર્ટીના વરિષ્ઠ નેતા હતા. આ પછી તેઓ ઓલ ઈન્ડિયા તૃણમૂલ કોંગ્રેસમાં જોડાયા. જો કે, રાષ્ટ્રપતિ પદના ઉમેદવાર તરીકે ચૂંટાયાના એક દિવસ પહેલા જ તેમણે TMC છોડી દીધી હતી.

18/07/2022 09:24:17

એનડીએના ઉમેદવાર દ્રૌપદી મુર્મુનું પલડું ભારે

રાષ્ટ્રપતિની ચૂંટણીમાં NDAના ઉમેદવાર દ્રૌપદી મુર્મુનું પલડું ભારે માનવામાં આવે છે. તેમને BJD, YSRCP, BSP, AIADMK, TDP, JD(S), શિરોમણિ અકાલી દળ, શિવસેના અને JMM જેવા પ્રાદેશિક પક્ષોનું સમર્થન મળ્યું છે. દ્રૌપદી મુર્મુનો વોટ શેર લગભગ બે તૃતીયાંશ સુધી પહોંચે તેવી શક્યતા છે.

18/07/2022 09:23:35

સાંસદો અને ધારાસભ્યોના વોટનું મૂલ્ય શું છે?

ચૂંટણી પંચ અનુસાર આ વખતે એક સાંસદના વોટની કિંમત 700 છે. તે જ સમયે, દરેક ધારાસભ્યના મતનું મૂલ્ય અલગ-અલગ રાજ્યોમાં અલગ-અલગ હોય છે. ઉત્તર પ્રદેશમાં દરેક ધારાસભ્યના મતનું મૂલ્ય 208 છે, પછી ઝારખંડ અને તમિલનાડુમાં 176 છે. તે પછી મહારાષ્ટ્રમાં 175 છે. સિક્કિમમાં દરેક ધારાસભ્યના મતનું મૂલ્ય સાત છે, જ્યારે નાગાલેન્ડમાં નવ અને મિઝોરમમાં આઠ છે. મતદાન બાદ રાષ્ટ્રપતિની ચૂંટણીના પરિણામો 21 જુલાઈએ જાહેર કરવામાં આવશે.