નવી દિલ્લીઃ ગોકુલપુરી વિસ્તારની ઝૂંપડીઓમાં ગઈ કાલે રાત્રે લાગેલી આગમાં સાત લોકોના મોત થયા હતા. આગને કાબુમાં લાવવામાં આવી હતી. ફાયર વિભાગ દ્વારા સાત મૃતદેહો બહાર કાઢવામાં આવ્યા હતા, તેમ દિલ્હી ફાયર સર્વિસ દ્વારા જણાવવામાં આવ્યું છે.
દિલ્લીમાં ગઈ કાલે રાતે ગોકુલપુરીમાં ભીષણ આગ ફાટી નીકળી હતી. જેમાં સાત લોકોના મૃતદેહ મળી આવ્યા છે. જાણકારી પ્રમાણે, ફાયર વિભાગને અડધી રાતે કોલ મળ્યો હતો. જે પછી 13 ફાયર ફાયટર દોડી ગયા હતા તેમજ 7 ઝૂંપડીઓ ચપેટમાં આવ્યાની જાણકારી મળી હતી. અત્યારે આગ પર કાબૂ મેળવી લેવાયો છે. આ આગ ગોકલપુરી પિલર નંબર 12 આસપાસ થઈ હતી.
આ દુર્ઘટના પર મુખ્યમંત્રી અરવિંદ કેજરીવાલે દુઃખ વ્યક્ત કર્યું હતું અને તેમમે કહ્યું કે, તેઓ જાતે ઘટનાસ્થલે જઈને પીડિતોની મુલાકાત લેશે.