૨૫ જિલ્લાની સ્કૂલોમાં નોકરી કરનાર શિક્ષિકા અનામિકા શુક્લા શનિવારે કાસગંજ જિલ્લાની સ્કૂલમાં રાજીનામુ આપવા આવી હતી. માહિતી મળતા જ કાસગંજ પોલીસે તેની ધરપકડ કરી હતી. બીએસએ અંજલી સિંહે અનામિકા શુક્લા વિરુદ્ધ પોલીસ સ્ટેશનમાં એફઆઈઆર લખાવી છે. પોલીસ સૂત્રો મુજબ અનામિકા શુક્લાએ પિતાનું નામ રાજેશ જણાવ્યું છે.
સૂત્રોએ જણાવ્યું હતું કે પોલીસ અટકાયતમાં અનામિકા શુક્લાએ કહ્યું કે તે હાલમાં ગૌંડાથી બીએડ કરી રહી છે. તેની નોકરી મૈનપુરી જિલ્લાની એક વ્યક્તિએ અપાવી હતી. તેનું નામ રાજ છે. આ સંદર્ભમાં મહિલાની વધુ પૂછપરછ ચાલી રહી છે.