Punjab CM Bhagwant Mann: પંજાબના મુખ્યમંત્રી ભગવંત માનને લઇને મોટી સમાચાર સામે આવ્યા છે, ભગવંત માનની મુશ્કેલીમાં હવે વધારો થઇ શકે છે. પંજાબના મુખ્યમંત્રી ભગવંત માનની પૂર્વ પત્ની પ્રીત ગ્રેવાલે એક સોશિયલ મીડિયા પૉસ્ટ દ્વારા ધમકી આપી છે કે, તે ટૂંક સમયમાં એવા વીડિયો પૉસ્ટ કરશે જેમાં માન સાહેબ દારૂ પીને નગ્ન થઈને ડાન્સ કરી રહ્યાં છે. એક દિવસ પહેલા ભગવંત માનની દીકરીએ પણ માન પર ગંભીર આરોપ લગાવ્યા હતા અને કહ્યું હતું કે તે દારૂ પીને ગુરુદ્વારા જાય છે.
ભગવંત માનની પૂર્વ પત્નીએ ફેસબુક પર શું લખ્યું
પંજાબના સીએમ ભગવંત માનની પૂર્વ પત્ની પ્રીત ગ્રેવાલે સોશિયલ મીડિયા પ્લેટફોર્મ ફેસબુક પર લખ્યું કે તેણે આની શરૂઆત કરી અને હવે હું કહીશ કે તેને કેવી રીતે ચલાવવામાં આવે છે. અમારી સાથે જોડાયેલા રહો. પ્રીત ગ્રેવાલે પંજાબી ભાષામાં લખ્યું છે કે હું ભગવંત માનનો વીડિયો શેર કરીશ જેમાં તે દારૂ પીને નગ્ન થઈને ડાન્સ કરે છે.
દીકરી સીરત કૌરે ભગવંત માન વિશે શું કહ્યું હતુ.....
પંજાબના મુખ્યમંત્રી ભગવંત માનની દીકરી સીરત કૌરે તેના પિતા પર સનસનાટીભર્યા આરોપ લગાવ્યા છે. તેણે કહ્યું છે કે મારા પિતા દારૂ પીને ગુરુદ્વારા જાય છે. તે પોતાના ત્રીજા બાળકનો પિતા બનવા જઈ રહ્યો છે. શિરોમણી અકાલી દળના નેતા બિક્રમ સિંહ મજીઠિયાએ શનિવારે પ્રેસ કૉન્ફરન્સ દરમિયાન સીરત કૌરનો વીડિયો બતાવ્યો હતો.
વિવાદાસ્પદ વીડિયોમાં સીરત કૌર તેના પિતા ભગવંત માન પર આરોપ લગાવતી જોઈ શકાય છે. સિરાતે કહ્યું કે ભગવંત માને તેની અને તેના ભાઈની જવાબદારી લેવાનો ઈન્કાર કરી દીધો છે. વીડિયોમાં સિરાતે પૂછ્યું હતું કે, જો કોઈ વ્યક્તિ માતા-પિતાની જવાબદારીઓ નિભાવી શકતો નથી તો તેને પંજાબ ચલાવવાની જવાબદારી કેવી રીતે સોંપવામાં આવે?