Weather Update: દેશભરમાં વરસાદનો કહેર હજુ યથાવત છે. હવામાન વિભાગના જણાવ્યા અનુસાર આ મહિનામાં પણ ઘણા રાજ્યોમાં ભારે વરસાદની સંભાવના છે. ગુજરાત, આસામ, હિમાચલ પ્રદેશ, મહારાષ્ટ્ર સહિત અનેક જગ્યાએ ભારે વરસાદ પડી રહ્યો છે. જેના કારણે લોકોને મુશ્કેલીનો સામનો કરવો પડી રહ્યો છે.
ચોમાસાની શરૂઆતથી જ રાષ્ટ્રીય રાજધાનીમાં સતત વરસાદ થઈ રહ્યો છે. હવામાન વિભાગના જણાવ્યા અનુસાર આ અઠવાડિયે પણ દિલ્હીમાં ભારે વરસાદ સાથે વીજળી પડવાની સંભાવના છે. આ સિવાય મંગળવારે (4 જુલાઇ) મહત્તમ તાપમાન 38 ડિગ્રી અને લઘુત્તમ તાપમાન 28 ડિગ્રી સેલ્સિયસ નોંધાઈ શકે છે. આ અઠવાડિયે ઉત્તર પ્રદેશના મોટાભાગના વિસ્તારોમાં વરસાદની સંભાવના છે. IMD એ રાજ્યના ઘણા જિલ્લાઓ માટે ઓરેન્જ એલર્ટ અને યલો એલર્ટ જારી કર્યું છે. વિભાગે આ જિલ્લાઓમાં ભારે વરસાદની ચેતવણી જારી કરી છે.
વરસાદી વાદળો
છત્તીસગઢમાં છેલ્લા ઘણા દિવસોથી તાપમાન વધી રહ્યું હતું, પરંતુ સોમવારે (3 જુલાઈ) રાજ્યમાં ભારે વરસાદ થયો હતો. તે જ સમયે, આ વર્ષે ચોમાસું છત્તીસગઢમાં મોડું પહોંચ્યું હતું, પરંતુ જ્યારે તે પહોંચ્યું ત્યારે ઘણા દિવસો સુધી ભારે વરસાદ પડ્યો હતો. હિમાચલ પ્રદેશમાં ખુશનુમા વાતાવરણને કારણે ફરી એકવાર પ્રવાસીઓની ભીડ વધવા લાગી છે. જોકે ગત સપ્તાહે ભૂસ્ખલન, પાણી ભરાવા જેવી સમસ્યા સર્જાઈ હતી. જેના કારણે પ્રવાસીઓ આવવાનું બંધ કરી દીધું હતું. શિમલા, ડેલહાઉસી, ચંબા, કુલ્લુ, મનાલી અને અટલ ટનલમાં પ્રવાસીઓની ભારે ભીડ છે.
આસામમાં ભારે વરસાદને કારણે બ્રહ્મપુત્રા નદી બેફામ વહી રહી છે. બ્રહ્મપુત્રાના જળસ્તરમાં વધારો થવાના કારણે નદી કિનારે અને આસપાસના વિસ્તારોમાં રહેતા લોકો ભયના છાયામાં જીવવા મજબૂર બન્યા છે. આ સાથે અનેક લોકોને બચાવી લેવાયા છે. મુશળધાર વરસાદને કારણે ગુજરાતમાં પણ પાણી ભરાઈ ગયા છે. રસ્તાઓ પાણીમાં ડૂબી ગયા છે. ઘરોમાં પાણી ભરાયા છે. લોકોને અવરજવરમાં મુશ્કેલી પડી રહી છે.જ્યાં
ક્યાં ક્યાં વરસાદ?
વિભાગના જણાવ્યા અનુસાર, અરુણાચલ પ્રદેશ, ઉત્તરાખંડ, મેઘાલય, ઉપ-હિમાલયન પશ્ચિમ બંગાળ, સિક્કિમ, બિહાર, કોંકણ-ગોવા, મહારાષ્ટ્ર, તમિલનાડુ, પુડુચેરી, કરાઈકલ, કોસ્ટલ અને દક્ષિણ આંતરિક કર્ણાટક અને કેરળના ભાગોમાં ભારે વરસાદ થઈ શકે છે.