જેતપુર પંથકમાં છેલ્લા ઘણા સમયથી સિંહોના આંટાફેરા વધી ગયા છે. ત્યારે લોકો સિંહને જોવા તેની પાછળ પાછળ ફરી રહ્યા છે. તેમજ કેટલાક યુવકો સિંહ સાથે ફોટા પડાવવાની લ્હાયમાં પણ પાછળ પાછળ ફરી રહ્યા છે.
એક વીડિયોમાં જોઇ શકાય છે કે, લોકોની પજવણીથી કંટાળેલો સિંહ તેની સામે ત્રાડ નાંખે છે. તેમજ એક વીડિયોમાં રસ્તા પર એક યુવક સિંહ સાથેનો ફોટો પડાવી રહ્યો છે. વચ્ચે સિંહ છે, તેમજ સામેના છેડે અન્ય લોકો બાઇક પર ઉભા છે. ત્યારે આ પજવણીથી કંટાળેલો સિંહ બાઇક પાછળ દોડે છે.