ગોંડલ માર્કેટ યાર્ડમાં ટેકાના ભાવે મગફળી ખરીદી કેન્દ્રમાં કોઈ અજાણ્યા ખેડૂતને ગ્રેડર સાથે બોલાચાલી અને ગાળાગાળી બાદ ગ્રેડર અને યાર્ડના કર્મચારીઓ વચ્ચે માથાકૂટ થઈ હોવાની વિગતો સામે આવી હતી. વીડિયોમાં જોવા મળતા દ્રશ્યોમાં લોકોના ટોળામાં ગાળાગાળી સાથે ખુરશી ઉલળતી પણ જોવા મળી હતી.
જ્યારે આ બનાવ અંગે માર્કેટ યાર્ડના સતાધીશોના જણાવ્યા મુજબ માર્કેટ યાર્ડના કર્મચારીઓ અને મગફળી ખરીદી કેન્દ્રના ગ્રેડર વચ્ચે કોઈ ગેરસમજને લઈને બબાલ થઈ હતી. પરંતું તેમાં બંને પક્ષે સમાધાનનો માર્ગ અપનાવવામાં આવ્યો હતો અને ઘીના ઠામમાં ઘી પડી જવા પામ્યું હતું.