થોરાળા પોલીસ સ્ટેશનના પીઆઈ બી.ટી. વાઢીયાએ આપેલી વિગતો પ્રમાણે રાજકોટના પરાસરનગરમાં રહેતા પાર્થ કનુભાઈ ખાંચર અને સીગીરા થોડા સમય પહેલા એકબીજાના સંપર્કમાં આવ્યા હતા અને બંને વચ્ચે પ્રેમસંબંધ બંધાયા હતા. દરમિયાન ગત 22-6-2019ના રોજ યુવક અને સગીરા ઘરેથી ભાગી ગયા હતા.
પોલીસને આ યુવક દેવભૂમિ દ્વારકામાં હોવાની જાણ થતાં ગત 18મી સપ્ટેમ્બરે તપાસ કરતા બંને ત્યાંથી મળી આવ્યા હતા. પોલીસે યુવકની ધરપકડ કરી કોર્ટમાં રજૂ કરતાં પોલીસે 21મી સુધીના રિમાન્ડ આપ્યા છે. આમ, પોલીસને 70 દિવસ પછી સગીરાની ભાળ મળી હતી. આ યુવક અગાઉ બળાત્કારના કેસમાં મદદગારીના ગુનામાં પકડાયેલો છે. એટલું જ નહીં, તેની સામે વાહનચોરીનો ગુનો પણ નોંધાયેલો છે.