સુરત: કડોદરા વિસ્તારમાંથી ભારતીય ચલણની નકલી નોટ છાપવાનું કૌભાંડ ઝડપાયું છે. શ્રીનિવાસ ગ્રીનસીટી સોસાયટીના 66 નંબરના મકાનમાં આ કૌભાંડ ચાલી રહ્યું હતું. મૂળ મહારાષ્ટ્રનો પ્રવીણ રાજારામ માળી નામનો ઈસમ આ વેપલો કરી રહ્યો હતો. પ્રવીણ નાના નાના છૂટક દુકાનદારોને નકલી ચલણી નોટો પધરાવતો હતો. પોલીસને 500, 200 અને 100 રૂપિયાના દરની ચલણી નોટો મળી આવી છે. કુલ 4 લાખ 62 હજારના દરની નકલી નોટો તેમજ પ્રિન્ટર અને અન્ય સાધન સામગ્રી મળી 4.81 લાખનો મુદ્દામાલ કબ્જે કર્યો છે. 


 વાહનચાલકો માટે આવ્યા મોટા સમાચાર


વાહનચાલકો માટે મહત્વના સમાચાર સામે આવ્યા છે. હવે ટ્રાફિકના 16 નિયમોને લઈ તમારે ઘરે ઈ-મેમો આવશે. તમને જણાવી દઈએ કે, પહેલા માત્ર 3 નિયમોને ઈ-મેમો ઈશ્યુ કરવામાં આવતા હતા. જો કે, હવે નિયમોનું ઉલ્લંઘન કરતા ચાલકોને પાઠ ભણાવવા તંત્ર દ્વારા નવી જાહેરાત કરવામાં આવી છે. 


ક્યા ક્યા મામલે મળશે ઈ મેમો


નિયમ કરતા વધારે વાહનોની સ્પીડ હશે તો ઈ-મેમો


નો-પાર્કિગ ઝોનમાં પાર્કિગ હશે તો આવશે ઈ-મેમો









HSRP વિનાની નંબરપ્લેટ વાળા વાહનોને ઈ-મેમો


ડ્રાઈવિંગ સમયે ફોન પર વાત કરતા હશો તો ઈ-મેમો


આગ ઓકતી ગરમીમાં શેકાવા થઈ જાવ તૈયાર


 ગરમીને લઈને હવામાન વિભાગે મહત્વની આગાહી કરી છે. હવામાન વિભાગે કહ્યું કે, ધીરે ધીરે ગરમીનો પારો વધી રહ્યો છે. જેથી આગામી સમયમાં લોકોએ ગરમીમાં શેકાવા માટે તૈયાર રહેવું પડશે. ફ્રેબ્રુઆરીમાં જ આભમાંથી અગન જવાળા વર્ષી રહી છે. રાજકોટ, સુરેન્દ્રનગર અને કચ્છમાં હીટવેવની આગાહી કરવામાં આવી છે. તો બીજી તરફ અત્યારથી જ ગરમીથી બચવા લોકો અલગ અલગ નુસખાઓ અજમાવી રહ્યા છે. છાશ અને લસ્સી જેવા પીણાનો સહારો લઈ રહ્યા છે. ફેબ્રુઆરીથી તાપમાન ઉંચકાતા ગરમીથી લોકો ત્રાહિમામ પોકારી ઉઠ્યા છે. ફેબ્રુઆરીમાં જ એપ્રિલ જેવી ગરમીનો સામનો કરવા મજબૂર બન્યા છે લોકો. તમને જણાવી દઈએ કે, અમદાવાદનું આજનું કાપમાન  38 ડિગ્રી નોંધાયું છે.


ગુજરાતમાં છેલ્લા 8 વર્ષમાં પોક્સો હેઠળ 14,522 ગુના નોંધાયા


આજ રોજ રાજીવ ગાંધી ભવન ખાતે પ્રેસ મીડિયાને સંબોધતા ગુજરાત પ્રદેશ કોંગ્રેસ સમિતિના પ્રવકતા પાર્થિવરાજસિંહ કઠવાડિયાએ સરકારની નીતિ ઉપર સવાલ ઉઠાવતા, લોકસભાના ચોંકાવનારા આંકડા સાથે સરકાર પાસે ખુલાસો માંગ્યો હતો. લોકસભામાં પ્રસ્તુત આંકડા પ્રમાણે પોકસો કાયદા હેઠળ ગુજરાતમાં વર્ષ ૨૦૧૪થી ૨૦૨૧ દરમિયાન ૧૪,૫૨૨ કેસ નોંધાયા હતા. વર્ષ ૨૦૧૪થી ૨૦૨૧ સુધીમાં પોકસો કેસમાં ૩૯૮.૫% નો વધારો થયો છે. વર્ષ ૨૦૧૪માં પોકસો હેઠળ ૬૧૩ ગુના નોંધાયા હતા. જેમાં ૫ કેસોમાં સજા પડેલ હતી.