સુરત: વીડિયો કોલ હનીટ્રેપમાં ફસાયેલા રાંદેરના યુવકે આપઘાત કરી લેતા ચકચાર મચી ગઈ છે. સાઇબર ક્રાઇમ બ્રાન્ચે મહિલા સહિત 2ની ધરપકડ કરી છે. રાંદેરના યુવકનો વીડિયો કોલ થકી અશ્લીલ વીડિયો બનાવી ગેંગ બ્લેકમેલ કરતી હતી. અજાણી યુવતીએ વીડિયો કોલ કરી અશ્લીલ વીડિયો રેકોર્ડિંગ કરી યુવકને રૂપિયા માટે બ્લેકમેલ કર્યો હતો.
વીડિયો વાયરલ કરવાના નામે 20 હજાર રૂપિયા લઈ લીધા બાદ પણ વધુ રૂપિયાની માંગણી કરાઈ હતી. રૂપિયા નહિ આપે તો વીડિયો સોશિયલ મીડિયામાં અને તેની બહેનને મોલવાની ધમકી આપી હતી. આખરે બદનામીના ડરથી યુવકે ઘરમાં ગળે ફાંસો ખાઈ આપઘાત કરી લીધો હતો.
સુરતમાં મોટા પ્રમાણમાં આ રીતે યુવાનોને ડિજિટલ હનીટ્રેપમાં ફસાવાનું મોટું રેકેટ સામે આવ્યું છે. રાંદેર પોલીસે આત્મહત્યાના દુષ્પ્રેણાનો ગુનો દાખલ કરી વધુ તપાસ હાથ ધરી છે. ગત 31મી ઓક્ટોબરના રોજ યુવાને ગળેફાંસો ખાધો હતો.
રાજકોટઃ ગત ૨૭ તારીખે કોઠારીયા સોલાવન્ટ પાટા પાસેથી મળેલ યુવાનની લાશને મામલે ચોંકાવનારો ખુલાસો થયો છે. દારૂના ડખ્ખામાં નહિ પરંતુ યુવાનની હત્યા કરવામાં આવી હતી. કોન્ટ્રાક્ટ કિલિંગનો મામલો સામે આવ્યો છે. મૃતકની પત્ની સાથે બિલ્ડરને પ્રેમસંબંધ હતા. આ પ્રેમસંબંધમાં પતિ આડખીલી હોવાથી તેની હત્યા કરવામાં આવી છે. એક અજાણ્યા ફોને હત્યાનો ભેદ ઉકેલ્યો છે.
પારડી ગામના મેહુલ પારધીને કોન્ટ્રાક્ટર પરેશ પટેલે મૃતક મનોજ વાઢેરની સોપારી દીધી હતી. મેહુલ પારધીએ હત્યાનું કામ રાજેશ પરમારને સોંપ્યું હતું. રાજેશે મનોજને ગત 27 તારીખે કોઠારીયા સોલાવન્ટ રેલવે પાટા પાસે પથ્થર મારી હત્યા કરી નાંખી હતી. પરેશ પટેલને મૃતક મનોજ વાઢેરના પત્ની સાથે સંબંધ હતા. બંનેએ મૈત્રી કરાર પણ કર્યો હતો. ક્રાઇમ બ્રાન્ચે સોપારી આપનાર પરેશ પટેલ, રાજેશ, મહેશ સહિત પાંચ આરોપીઓની ધરપકડ કરી છે.
Surat : અન્ય યુવતી સાથે આડા સંબંધ બંધાતા પત્નીને મારતો ઢોર માર, મહિલા આગેવાને પત્ની સામે હાથ જોડાવ્યા
સુરતઃ શહેરના મોટા વરાછા વિસ્તારમાં પત્નીને ઢોરની જેમ માર મારનાર પતિને સબક શીખવડવામાં આવ્યો છે. પરસ્ત્રી સાથે સબંધ રાખી પત્નીને માર મારનાર પતિની ધુલાઈ કરી હતી. મહિલા આગેવાન દર્શના જાનીએ ઇજાગ્રસ્ત પત્નીની સારવાર કરાવી. એટલું જ નહીં, પતિ પાસે હાથ જોડાવી પત્નીની માફી મંગાવી. હવે પછી પત્નીને નહીં મારે તેની બાહેનધરી લેવામાં આવી.
સુરતમાં પતિને વીડિયો કોલિંગ દ્વારા રંગરેલીયા મનાવતા પકડી પાડનાર પત્નીને ઢોરની જેમ માર માર્યો હતો. આ અંગે સમાજ સેવિકાને જાણ થતાં તેઓ પતિ પાસે પહોંચ્યા હતા અને જાહેરમાં તમાચાં મારી પતિને પાઠ ભણાવ્યાં હતાં. લગ્ન પછી અનેકવાર પત્નીને માર મારી અધમુવી બનાવી દેનાર પતિને છેલ્લી વોર્નિંગ આપી હતી.
દર્શનાબેને જણાવ્યું હતું કે, વીડિયો કોલિંગ પર પરસ્ત્રી સાથે મસ્તી કરતા લફરાબાજ પતિને જાહેરમાં જ સબક આપવો જરૂરી હતો એટલે જ લાફા માર્યા છે. પીડિત પત્ની લોકોના ઘરોમાં જઈને ઘરકામ કરે છે. તેમની આર્થિક પરિસ્થિતિથી સારી નથી. બે સંતાનોની માતા છે. પતિ વોચમેન છે. દિવાળીમાં પતિ મોબાઈલ પર વીડિયો કોલિંગ પર કોઈ સ્ત્રી સાથે મસ્તી કરતા હતા. બાળકો અંગે પતિને ટપારતાં પતિનો પીત્તો ગયો હતો અને ઢોર માર માર્યો હતો. આ અંગે દર્શનાબેનને જાણ થતાં તેઓ પીડિતાના ઘરે પહોચ્યા હતા. તેમજ સાચી હકિકત જાણ્યા પછી પતિને સબક શીખવાડ્યો હતો.