અમેરિકાઃ સ્વીમિંગ પૂલમાં ડૂબી જતાં સુરતના પરિવારના 3નાં મોત, કેવી રીતે બની ઘટના?

મૂળ ગુજરાતના સુરતનો આ પરિવાર 10 દિવસ પહેલા જ નવા ઘરમાં રહેવા આવ્યો હતો અને અહીં સ્વીમિંગ પૂલમાં ડૂબવાની ઘટના બની છે.

સુરતઃ અમેરિકાના ન્યુ જર્સીમાં સ્વીમિંગ પૂલમાં ડૂબી જતાં 3 ભારતીયોના થયા છે. એક જ પરિવારના પૌત્રી , પુત્રવધૂ અને સસરાનું મોત મોત થયું છે. સ્વીમિંગ પૂલમાં ડૂબી રહેલી દીકરીને બચવવા જતાં આ દુર્ઘટના ઘટી હતી અને ત્રણેયના ડૂબી જતાં મોત નીપજ્યા હતા.

મૂળ ગુજરાતના સુરતનો આ પરિવાર 10 દિવસ પહેલા જ નવા ઘરમાં રહેવા આવ્યો હતો અને અહીં સ્વીમિંગ પૂલમાં ડૂબવાની ઘટના બની છે. આ ઘટનાને કારણે અરેરાટી વ્યાપી ગઈ છે. આ ઘટનામાં માતા નિશા પટેલ, સસરા ભરત પટેલ અને દીકરી સચિ પટેલનું નિધન થયું છે.