મળતી માહિતી મુજબ પરવટ ગામની ચંદ્રલોક સોસાયટીમાં રહેતી મહિલાને કોરોના રિપોર્ટ પોઝિટિવ આવ્યો હતો. આ મહિલા જ્ઞાનજ્યોત વિદ્યાલયમાં શિક્ષિકા તરીકે ફરજ બજાવે છે. શિક્ષિકાની ત્રણ વર્ષની દીકરી અને તેના સસરાનો કોરોના રિપોર્ટ પણ પોઝિટિવ આવ્યો છે. કોઈ કોરોના પોઝિટિવ દર્દીના સંપર્કમાં આવતા આ સમગ્ર પરિવાર કોરોનાની ઝપેટમાં આવી ગયો છે.
સુરત જિલ્લાની વાત કરીએ તો અત્યાર સુધીમાં જિલ્લામાં કુલ 944 કોરોનાનો પોઝિટિવ કેસ સામે આવ્યા છે. જેમાંથી 40 લોકોના મોત થયા છે જ્યારે 556 લોકો રિકવર થયા છે. સુરત જિલ્લામાં અત્યાર સુધીમાં કુલ 22449 ટેસ્ટ કરવામાં આવ્યા છે. જ્યારે 3542 લોકો હજુ પણ કોરેન્ટાઈન હેઠળ છે.