આ અંગેની વિગતો એવી છે કે, ગુરુવારે સવારે ડાભોલમાં ધેલવાડ ફળિયા ખાતે આવેલા ધર્મિષ્ઠા પાર્કમાં રહેતા બિહારી યુવક સંતોષ બ્રિજેશ ભૈઠાને સગીરાના સંબંધીઓએ મળવા માટે બોલાવ્યો હતો. સંતોષને ધેલવાડ ફળિયાની એક ઝુંપડીમાં લઈ જઈને સગીરાના પરિવારના 10 જેટલા લોકોએ છેડતી બાબતે ઢોર માર માર્યો હતો. તેમજ આ પછી તેને ટેમ્પામાં ભરીને હોટલની પાછળના ભાગમાં ફેંકી દીધો હતો.
આ અંગે કોઈ 108ને જાણ કરતાં તેને મરવડ સરકારી હોસ્પિટલ ખસેડવામાં આવ્યો હતો. અહીં હાજર તબીબોએ તેને મૃત જાહેર કર્યો હતો. દમણ પોલીસે આરોપીઓ સામે ગુનો નોંધી 6 આરોપીઓને ઝડપી લીધા છે.