મૃત્યુ બાદ, અંતિમ સંસ્કાર ને પછી અચાનક જીવતો ઘરે આવ્યો આ વ્યક્તિ, બધા જોઇને ચોંક્યા..........

બસ આ જ સમયે કંઇક એવુ બન્યુ તો બધા ચોંકી ગયા, જેના અંતિમસંસ્કાર કરાયા હતા એ સંજય અચાનક ઘરમાં હાજર, આ દ્રશ્ય જોઇને પરિવાર ડરી ગયો,

વડોદરાઃ ક્યારેય કોઇ વ્યક્તિને મૃત્યુ બાદ જીવતો થયેલો જોયો છે કે સાંભળ્યુ છે, નહીં ને, આવો જ એક ચોંકાવનારો કિસ્સો ગુજરાતના વડોદરાથી સામે આવ્યો છે. જોકે આ વાત થોડી અલગ છે. અહીં એ વ્યક્તિના મૃત્યુ બાદ તેના અંતિમ સંસ્કાર પણ થઇ જાય છે, અને પછી તેના પોતાના ઘરે પરત ફરતા લોકો ચોંકી જાય છે. ખરેખરમાં અહીં એક પરિવારે બિનવારસી લાશ પોતાના પુત્રની હોવાની માનીને એના અંતિમસંસ્કાર કરી નાખ્યા હતા. 

આ ઘટના 16મી જૂનની છે, વડોદરાના દુમાડ ચોકડી પાસે હાઈવે પર છાણી પોલીસને અંદાજે 45 વર્ષીય અજાણ્યા પુરુષની લાશ મળી હતી, જેની તસવીરો પોલીસ સોશિયલ મીડિયામાં ફરતી કરી હતી, આ દરમિયાન વાઘોડિયા સોમેશ્વપુરા ગામમા રહેતા શનાભાઈએ પોલીસમાં આવીને લાશ પોતાના પુત્ર સંજયની હોવાનું કહ્યું હતું. દીકરાની લાશ જોતાં જ પિતા ભાંગી પડ્યા હતા. ઘરે મૃતદેહ આવતાં જ પત્ની અને સંતાનોના કરુણ આક્રંદથી ભાવુક દૃશ્યો સર્જાયાં હતાં. અનેક સંબંધીઓની હાજરીમાં ભારે હૈયે અંતિમસંસ્કાર કરવામાં આવ્યા હતા. મુખાગ્નિ આપીને પરિવાર ઘરે આવ્યો હતો. ઘરમાં માહોલ પણ ગમગીન હતો. 

બસ આ જ સમયે કંઇક એવુ બન્યુ તો બધા ચોંકી ગયા, જેના અંતિમસંસ્કાર કરાયા હતા એ સંજય અચાનક ઘરમાં હાજર, આ દ્રશ્ય જોઇને પરિવાર ડરી ગયો, કોઇ માનવા તૈયાર નહોતું કે આ સંજય જીવતો પાછો આવ્યો છે. જોકે બાદમાં સ્થિતિ સમજાતાં પરિવારમાં હરખ છવાઈ ગયો હતો. બાદમાં પરિવારને ખબર પડી કે જે મૃતદેહને તેઓ અગ્નિ સંસ્કાર કરી આવ્યા હતા તે તેમના પુત્ર સંજયની નહીં પરંતુ કોઇ બીજાની હતી, 

આ પણ વાંચો.....