દાહોદઃ ગુજરાતમાં કોરોનાનો કહેર વધી રહ્યો છે, ત્યારે વધુ એક જિલ્લામાં કોરોનાએ પ્રવેશ કર્યો છે. દાહોદમાં પ્રથમ કોરોનાનો પોઝિટિવ કેસ સામે આવ્યો છે. 9 વર્ષની બાળકીનો રિપોર્ટ પોઝિટિવ આવ્યો છે. સાત એપ્રિલે પરિવાર ઇન્દોરથી દાહોદ આવ્યો હતો. હાલ, બાળકીને આઇસોલેશન વોર્ડમાં ખસેડાઈ છે.


મૂળ દાહોદના અને વર્ષોથી ઈન્દોર રહેતા પરિવારની 9 વર્ષીય બાળકીનો કોરોના રીપોર્ટ પોઝિટિવ આવ્યો છે. ઈન્દોરથી એમ્બ્યુલન્સ મારફતે બાળકીના પિતાની દફનવિધિ માટે પરિવાર દાહોદ આવ્યો હતો. ઈન્દોરથી આવ્યાની જાણ થતા જ કલેક્ટરે તાત્કાલિક અસરથી તમામના રીપોર્ટ કઢાવ્યા હતા. પરિવારના 5 માંથી 4નો રીપોર્ટ આવ્યો હતો, જ્યારે 9 વર્ષીય બાળકીનો રીપોર્ટ પોઝિટિવ આવતાં તમામ પરીવારજનોને ક્વોરોન્ટાઈનમાં રખાયા છે.