વડોદરામાં ભાજપે કોંગ્રેસ પાસેથી વોર્ડ નંબર 7માં બે બેઠકો આંચકી લીધી છે અને ભાજપનાં સૌથી યુવા મહિલા ઉમેદવાર ભૂમિકા રાણાની જીત થઈ છે. ભૂમિકા રાણાની ઉંમર 22 વર્ષ છે. ભૂમિકાએ પોતાની જીત બાદ કહ્યું કે, વિધાનસભાના સ્પીકર રાજેન્દ્ર ત્રિવેદી મારા આદર્શ રહ્યા છે અને અમે ઈમાનદારીથી પ્રજાના કામો કરીશું.
વડોદરા મહાનગર પાલીકાના વોર્ડ નંબર 13ના ઊમેદવાર બાળુ સુર્વેની જીત થઈ છે અને સુર્વે સતત ત્રીજી વખત કોર્પોરેટર બન્યા છે. આ ઉપરાંત વોર્ડ નંબર 1માં કોંગ્રેસની પેનલની જીત થઈ છે જ્યારે વોર્ડ નંબર 10માં ભાજપની પેનલની જીત થઈ છે. વોર્ડ નંબર 16માં કોંગ્રેસના બે ઉમેદવાર અને ભાજપના બે ઉમેદવારની જીત થઈ છે.