પાકિસ્તાન બ્યૂરો ઓફ સ્ટેટિસ્ટિક્સના રિપોર્ટ અનુસાર કન્ઝ્યુમર પ્રાઈસ ઈન્ડેક્સ મોંઘવારી દર જાન્યુઆરીમાં 7.19 ટકા હતો. હાલમાં મોંઘવારી દર 2014ના લેવલ પર પહોંચી ગયો છે. જૂન 2014માં મોંઘવારી દર 7.19 ટકા હતો. પીબીએસ અનુસાર, ફેબ્રુઆરીમાં ટામેટા, આદુ, ખાંડ, ચા, મટન, ગોળ, ઘી, માછલી, મગ દાળ, ઈંડા, ખાદ્ય તેલ, ચોખા, દાળ, દૂધ અને ઘઉંના ભાવમાં 3.21-179.40 ટકા વધારો થયો છે. પાકિસ્તાનમાં મોંઘવારીની અસર તેની મૌદ્રીક નીતિ પર પણ પડી છે. સ્ટેટ બેન્ક ઓફ પાકિસ્તાને રૂપિયાની ઘટતી કિંમત અને કાચા તેલની વધતી કિંમતોને જોતા કેટલાક ફેરફાર કર્યા છે. બેન્કે વીતેલા વર્ષના જાન્યુઆરીમાં લોનના દરોમાં પણ 4.5 ટકા વધારો કર્યો છે.
પુલવામા એટેકના કારણે મોસ્ટ ફેવર્ડ નેશન (MFN)નો દરજ્જો છીનવી અને નિકાસ કરવામાં આવતા સામાન પર બેસિક કસ્ટમ ડ્યૂટી 200 ટકા સુધી વધાર્યા બાદ ભારત સરકાર એક વખત ફરી પાકિસ્તાનને આર્થિક નુકશાન પહોંચાડવાની તૈયારી કરી રહ્યું છે. સૂત્રો અનુસાર, ભારત પોતાની નવી રણનીતિ હેઠળ પાકિસ્તાનને સાઉથ એશિન ફ્રી ટ્રેડ એરિયા (સાફ્ટા)માંથી પણ બહાર કરવા પર વિચાર કરી રહ્યું છે.