Sunidhi Chauhan Networth: એક કોન્સર્ટ માટે લાખોની ફી વસૂલે છે સુનિધિ ચૌહાણ, નેટવર્થમાં આપે છે અનેક સ્ટાર્સને ટક્કર

Sunidhi Chauhan Birthday: આજે બોલિવૂડ સિંગર સુનિધિ ચૌહાણનો જન્મદિવસ છે. જેનો જાદુઈ અવાજ લોકોને પળવારમાં દિવાના બનાવી દે છે. જેણે માત્ર 12 વર્ષની ઉંમરે ફિલ્મ 'શસ્ત્ર'થી પોતાના સિંગિંગ કરિયરની શરૂઆત કરી હતી અને આ ગીતથી તે સ્ટાર સિંગર બની ગઈ હતી. આજે સુનિધિનો 41મો જન્મદિવસ છે. આવી સ્થિતિમાં તેની લક્ઝરી લાઈફ પર એક નજર કરીએ.

બોલિવૂડમાં આવતા પહેલા સુનિધિએ એક સિંગિંગ શો “મેરી આવાઝ સુનો” જીત્યો હતો. આ પછી જ તેના માટે બોલિવૂડમાં દરવાજા ખુલી ગયા.

આજે આ સિંગરે પોતાના અવાજથી બોલિવૂડમાં એક વિશેષ સ્થાન હાંસલ કર્યું છે. તેની સાથે સુનિધિ પણ લક્ઝરી લાઈફની માલિક બની ગઈ છે.

સુનિધિ ચૌહાણ હવે કોન્સર્ટમાં પરફોર્મ કરવા બદલ લગભગ 8 થી 10 લાખ રૂપિયા જેટલી મોટી ફી લે છે.

જો સુનિધિની નેટવર્થની વાત કરીએ તો ડોટ એક્સપર્ટ ડોટ ટીવીના રિપોર્ટ્સ અનુસાર, સિંગરની નેટવર્થ લગભગ 73.67 થી 76.67 કરોડ રૂપિયા છે.

સુનિધિ ચૌહાણ સોશિયલ મીડિયા પર પણ ઘણી એક્ટિવ રહે છે. જ્યાં તે પોતાના જીવનની દરેક અપડેટ ફેન્સ સાથે શેર કરતી રહે છે.

સુનિધિ ચૌહાણના ઈન્સ્ટાગ્રામ પર જોરદાર ફેન ફોલોઈંગ છે. અહીં 2 મિલિયનથી વધુ લોકો તેને ફોલો કરે છે.

સુનિધિ ચૌહાણના ગીતોની વાત કરીએ તો આ લિસ્ટમાં 'શીલા કી જવાની..', 'ઓ સાકી..સાકી..', 'બીડી જલઈલે, જિગર સે પિયા...' જેવા ઘણા લોકપ્રિય ગીતો સામેલ છે.