Photos : અતિશય મોંઘા ઘરમાં રહે છે બાહુબલી પ્રભાસ, બંગલો જ આટલા કરોડનો

એક્ટર પ્રભાસ ફિલ્મ ઈન્ડસ્ટ્રીના સૌથી મોટા સ્ટાર્સમાંથી એક છે. બાહુબલી મૂવીએ તેને માત્ર અખિલ ભારતીય ઓળખ જ નહીં અપાવી પરંતુ તેની ખ્યાતિ અન્ય દેશોમાં પણ પહોંચી.

તાજેતરમાં તેની કેટલીક ફિલ્મો બોક્સ ઓફિસ પર માઠી સાબિત થઈ છે. તાજેતરમાં આદિપુરુષ વિવાદોનો ભોગ બની છે. આ પહેલા પણ કેટલીક ફિલ્મો સારુ પ્રદર્શન નથી કરી શકી.

જોકે તેમ છતાંયે પ્રભાસની ડિમાન્ડ ઓછી થઈ નથી. હજુ પણ તેની મોટા બજેટની ઘણી ફિલ્મો કતારમાં છે. કહેવાય છે કે, પ્રભાસે આદિપુરુષ માટે 120 કરોડ રૂપિયાની ફી લીધી હતી.

અત્યારે પ્રભાસની બે ફિલ્મો આગામી એક-બે વર્ષમાં આવવાની છે, સાલર અને પ્રોજેક્ટ. આ બંને મોટા બજેટની ફિલ્મો છે અને પ્રભાસે બંને માટે લગભગ 100-100 કરોડ રૂપિયા ચાર્જ કર્યા છે.

બાહુબલી પ્રભાસની ફિલ્મો સિવાય તે પોતાના જીવનમાં ઘણી લક્ઝરી પ્રોપર્ટીનો માલિક છે. અભિનેતા પાસે હૈદરાબાદના પ્રખ્યાત જ્યુબિલી હિલ્સ વિસ્તારમાં કરોડોની કિંમતનો લક્ઝરી બંગલો છે, જ્યાં તેના ચાહકો ભેગા થાય છે.

રિપોર્ટ અનુંસાર પ્રભાસે હૈદરાબાદના જુબિલી હિલ્સમાં સ્થિત બંગલો 60 કરોડ રૂપિયામાં ખરીદ્યો હતો. હવે તેની કિંમત 80-85 કરોડ રૂપિયા હોવાનું કહેવાય છે.

પ્રભાસ પાસે ઘણી લક્ઝરી કાર પણ છે. તેની પાસે લેમ્બોર્ગિની, રોલ્સ રોયસ અને જગુઆર લેન્ડ રોવર જેવી મોંઘી કાર છે.

પ્રભાસ વધારે ફિલ્મોમાં કામ નથી કરતો, પરંતુ તેની નેટવર્થ ઓછી જોરદાર. કહેવાય છે કે, એક્ટર પ્રભાસ અત્યારે લગભગ 250 કરોડ રૂપિયાનો માલિક છે.