December OTT: આ ડિસેમ્બર રહેશે એન્ટરટેન્ટથી ભરેલો, મહિનાના પહેલા વીકે જ OTT પર રિલીઝ થઇ રહી છે આ મજેદાર ફિલ્મો, જુઓ લિસ્ટ......

December OTT Release Movies And Web Series: વર્ષ 2023 એ ઓટીટી માટે શાનદાર રહ્યું છે. આ વર્ષે એક કરતાં વધુ મૂવી અને વેબ સિરીઝે પ્રેક્ષકોનું મનોરંજન કર્યું છે. હવે વર્ષના છેલ્લા મહિનામાં એટલે કે ડિસેમ્બરમાં કેટલીક સીરીઝ અને ફિલ્મો OTT પર રિલીઝ થવા જઈ રહી છે. આ મહિને કેટલાય મૂવી, વેબસીરીઝ અને શૉ OTT પર આવી રહી છે.

અક્ષય કુમારની ફિલ્મ મિશન રાનીગંજ 6 ઓક્ટોબરે સિનેમાઘરોમાં રિલીઝ થઈ હતી. વળી, હવે આ ફિલ્મ 1લી ડિસેમ્બરે OTT પ્લેટફોર્મ નેટફ્લિક્સ પર રિલીઝ થઈ રહી છે.

નતાલી પોર્ટમેન અને જુલિયાન મૂર સ્ટારર વેબ સીરીઝ 'મે ડિસેમ્બર' પણ 1 ડિસેમ્બરે નેટફ્લિક્સ પર રિલીઝ થઈ રહી છે.

ઇન્ડિયાના જૉન્સ અને ડાયલ ઑફ ડેસ્ટિન વેબ સીરીઝ 1 ડિસેમ્બરના રોજ ડિઝની પ્લસ હૉટસ્ટાર પર સ્ટ્રીમ કરવામાં આવશે.

કૉમેડી સીરીઝ 'કેન્ડી કેન લેન' પણ આ ડિસેમ્બરમાં રિલીઝ થઈ રહી છે. આ સીરીઝ 1 ડિસેમ્બરે એમેઝોન પ્રાઇમ પર સ્ટ્રીમ થશે.

'શહર લખોટ' વેબ સિરીઝ એમેઝોન પ્રાઇમ વીડિયો પર નવેમ્બરના અંતમાં એટલે કે 30મીએ સ્ટ્રીમ કરવામાં આવશે.

એક્શન અને કૉમેડીથી ભરપૂર ધ ઓબ્લિટરેટેડ સીરીઝ પણ ધૂમ મચાવવા માટે તૈયાર છે. આ શો 30 નવેમ્બરના રોજ Netflix પર સ્ટ્રીમ થશે.

ફેમિલી સ્વિચ પણ એક કૉમેડી સીરીઝ છે. જે આ મહિનાની 30મીએ Netflix પર સ્ટીમ થશે.

વિકી કૌશલ અને સારા અલી ખાન સ્ટારર ફિલ્મ 'જરા હટકે જરા બચકે' 2 જૂને સિનેમાઘરોમાં રિલીઝ થઈ હતી. હવે ફિલ્મ OTT પ્લેટફોર્મ Jio સિનેમા પર સ્ટ્રીમ થઈ રહી છે.

વેબ સીરીઝ ધ શેફર્ડ પણ 1લી ડિસેમ્બરે ડિઝની પ્લસ હૉટસ્ટાર પર રિલીઝ થઈ રહી છે.