Health Benefits:પ્રોટીનનો ખજાનો પનીરનું રોજ સેવન કરવું કેટલું ફાયદાકારક, જાણો એક્સ્પર્ટનો મત

શાકાહારી લોકોની ફેવરિટ રેસિપી પનીર યુક્ત વાનગી છે. પનીર કરી ભારતના દરેક પ્રદેશમાં ખૂબ જ ઉત્સાહથી ખાવામાં આવે છે.

પનીર ખાવામાં તો ટેસ્ટી હોય છે પરંતુ તે સ્વાસ્થ્યના હિસાબે પણ ઉત્તમ છે. પનીર પોષકતત્વોથી ભરપૂર છે પરંતુ સવાલ એ છે કે, શું રોજ પનીરનું સેવન કરવું જોઇએ કે નહિ

પનીર પ્રોટીનનો ઉત્તમ સ્ત્રોત છે, જે તેને શાકાહારીઓ અને વેગન માટે શ્રેષ્ઠ વિકલ્પ બનાવે છે. 100 ગ્રામ પનીરમાં લગભગ 18 ગ્રામ પ્રોટીન હોય છે, જે 100 ગ્રામ ચિકનમાં જોવા મળતા પ્રોટીનની માત્રા જેટલી હોય છે. શરીરમાં પેશીઓ, ઉત્સેચકો, હોર્મોન્સ અને સ્નાયુઓના નિર્માણ અને સમારકામ માટે પ્રોટીન જરૂરી છે. તે પેટની પાચન પ્રક્રિયાને સુધારવામાં પણ મદદ કરે છે.

પનીરમાં ભરપૂર માત્રામાં કેલ્શિયમ હોય છે, ઓસ્ટીયોપોરોસીસ જેવા હાડકા સંબંધિત રોગોનું જોખમ ધરાવતા લોકો માટે પનીરનું દૈનિક સેવન ફાયદાકારક સાબિત થઈ શકે છે.

પનીરમાં પ્રોટીન વધુ હોય છે અને કાર્બોહાઇડ્રેઇટ ઓછું હોય છે, જે વજનને કન્ટ્રોલ કરી શકે છે.પનીર પેટને લાંબા સમય સુધી ભરેલું રાખે છે અને ક્રેવિંગથી બચાવે છે. જેથી વજન ઘટાડવા માટે ઉત્તમ છે.

પનીર ઝિંકનો એક મહત્વપૂર્ણ સ્ત્રોત છે, જે રોગપ્રતિકારક શક્તિને મજબૂત કરવામાં મદદ કરે છે. ઝીંક શ્વેત રક્તકણો બનાવવામાં મહત્વનો ભાગ ભજવે છે. જે ચેપ અને રોગો સામે લડવામાં મદદ કરે છે. એકંદર આરોગ્ય માટે મજબૂત રોગપ્રતિકારક શક્તિ મહત્વપૂર્ણ છે. અને દરરોજ પનીરનું સેવન કરવાથી રોગપ્રતિકારક શક્તિ વધારવામાં મદદ મળે છે. તેમાં વિટામિન B12 પણ હોય છે, જે લાલ રક્ત કોશિકાઓનું ઉત્પાદન કરવા અને સ્વસ્થ નર્વસ સિસ્ટમ જાળવવા માટે જરૂરી છે.

પનીર પોટેશિયમનો સારો સ્ત્રોત છે, જે બીપીને નિયંત્રિત કરવાની સાથે હૃદયને સ્વસ્થ બનાવવામાં પણ મદદ કરે છે. તેમાં મોનોઅનસેચ્યુરેટેડ અને બહુઅસંતૃપ્ત ચરબી પણ હોય છે, જે સારી ચરબી ગણાય છે જે કોલેસ્ટ્રોલના સ્તરને ઘટાડવામાં અને હૃદય રોગના જોખમને ઘટાડવામાં મદદ કરી શકે છે. આ સિવાય પનીરમાં સોડિયમની માત્રા પણ ઓછી હોય છે. જે હૃદયને સ્વસ્થ રાખે છે.