Heart Failure: હાર્ટના દર્દીઓએ આ બાબતોનું ખાસ ધ્યાન રાખવું જોઈએ, નહીં તો હાર્ટ ફેલ્યોરનો બની શકે શિકાર

જે લોકોને હાર્ટ ફેલ્યોર કે હાર્ટ એટેકનો ખતરો હોય છે તેઓએ તેમની જીવનશૈલીને સ્વસ્થ રાખવાની જરૂર છે. આજકાલ હાર્ટ એટેકથી મૃત્યુ પામનારા લોકોની સંખ્યા દિવસેને દિવસે વધી રહી છે.

જો હૃદયરોગના દર્દીને હાર્ટ ફેલ્યોરથી બચવું હોય તો તેણે પોતાની જીવનશૈલીને સ્વસ્થ રાખવી પડશે. રોજિંદી કસરત, હેલ્ધી ડાયટની સાથે 8 કલાકની ઊંઘ ખૂબ જ જરૂરી છે.

સારી તંદુરસ્ત જીવનશૈલી દ્વારા તમે હાર્ટ ફેલ્યોરના જોખમને ટાળી શકે છે. સારી જીવનશૈલી દ્વારા કેન્સર અને અન્ય ગંભીર રોગોથી બચી શકાય છે.

NCBIમાં પ્રકાશિત એક રિપોર્ટ અનુસાર, વધુ પડતું ધૂમ્રપાન હૃદય રોગનું જોખમ વધારે છે. તેથી જે લોકો ખૂબ ધૂમ્રપાન કરે છે તેઓએ તે છોડવું જોઈએ. ધૂમ્રપાનમાં જોવા મળતા નિકોટિનથી હૃદયના ધબકારા અને બીપી વધે છે.

અચાનક વજન વધવું અથવા વજન ઘટવું એ હૃદયની નિષ્ફળતાના પ્રારંભિક લક્ષણો હોઈ શકે છે. જો કોઈ કારણ વગર વજન વધે કે ઘટે તો તમારે તાત્કાલિક ડોક્ટરની સલાહ લેવી જોઈએ.

જેમને હૃદયરોગનો ખતરો હોય તેમણે દારૂ બિલકુલ ન પીવો જોઈએ. આ બધા સિવાય આહારનું વિશેષ ધ્યાન રાખવાની જરૂર છે, નહીં તો હાર્ટ ફેલ થવાનો ખતરો રહેશે.