આ લવ ગુરુ અમીર પુરુષોને પ્રેમના જાળમાં ફસાવવાની કોચિંગ આપે છે, વાર્ષિક આવક 163 કરોડ રૂપિયા

લવ ગુરુ તો તમે ઘણા જોયા હશે, લવ ગુરુ લોકોને હંમેશા સાચી સલાહ આપે છે. પ્રેમનો સાચો ઉપયોગ કરતા શીખવે છે. પતિ કે પત્ની સાથે કેવી રીતે વફાદાર રહેવું તે શીખવે છે. પરંતુ અહીં એક અજીબ લવ ગુરુનો કિસ્સો છે, જે લોકોને શીખવે છે કે અમીર પુરુષ સાથે લગ્ન કેવી રીતે કરવા.

આ એક વિવાદાસ્પદ લવ ગુરુ છે, જે મહિલાઓને શીખવે છે કે અમીર પુરુષને કેવી રીતે પોતાના પ્રેમના જાળમાં ફસાવીને તેની સાથે લગ્ન કરવા, એટલું જ નહીં, આ વિવાદાસ્પદ લવ ગુરુ આવું કરીને દર વર્ષે 163 કરોડ રૂપિયા સુધી કમાઈ રહી છે.

આ ચીનનો કિસ્સો છે, સાઉથ ચાઇના મોર્નિંગ પોસ્ટના એક અહેવાલ અનુસાર, આ લવ ગુરુનું નામ લે ચુઆનકૂ છે. આ મહિલાએ સોશિયલ મીડિયા દ્વારા રિલેશનશિપ અને નાણાકીય મદદ આપીને લોકો વચ્ચે પોતાની લોકપ્રિયતા બનાવી લીધી છે.

જોકે, ચુઆનકૂ ઘણી વખત એવી સલાહ આપે છે જેનાથી વિવાદ ઊભો થાય છે. એવું કહેવું ખોટું નહીં હોય કે આ લવ ગુરુની સલાહ અવારનવાર વિવાદોને જન્મ આપે છે. ચુઆનકૂ સંબંધોમાં અનૈતિકતા પેદા કરવા માટે લોકોને ઉશ્કેરે છે, અને મહિલાઓને શ્રીમંત પુરુષોને તેમના પ્રેમના જાળમાં ફસાવવાનું શીખવે છે.

તેના એક વીડિયોમાં આ લવ ગુરુએ સ્પષ્ટપણે કહ્યું છે કે તમામ સંબંધો મૂળભૂત રીતે પૈસા અને લાભની આપ લે પર આધારિત હોય છે. દરેક વસ્તુનો ઉપયોગ પોતાના ફાયદા માટે કરવો જોઈએ.

ચુઆનકૂ લાઇવ સ્ટ્રીમ દરમિયાન સલાહ આપવા માટે 12,945 રૂપિયા ચાર્જ કરે છે. તેના સૌથી વધુ પસંદ કરવામાં આવતા કોર્સની ફી 43,179 રૂપિયા છે.