Gujarat Election 2022: CM ભુપેન્દ્ર પટેલનો પ્રચંડ પ્રચાર, બોપલમાં કર્યો રોડ શો, જુઓ તસવીરો

અમદાવાદમાં મુખ્યમંત્રી ભુપેન્દ્ર પટેલે પ્રચંડ પ્રચાર કર્યો. આજે ઘાટલોડિયા મત વિસ્તારમાં આવતાં બોપલ-ઘૂમામાં તેમણે પ્રચાર કર્યો.

વકીલ સાહેબ બ્રિજથી મુખ્યમંત્રીના રોડ શોનું પ્રસ્થાન થયું હતું. જેમાં મોટી સંખ્યામાં જનમેદની ઉમટી પડી હતી.

મુખ્યમંત્રી ભુપેન્દ્ર પટેલ ઘાટલોડિયા બેઠક પરથી ઉમેદવાર છે. તેમની સામે કોંગ્રેસમાંથી અમીબેન યાજ્ઞિક અને આપમાંથી વિજય પટેલ ચૂંટણી લડી રહ્યા છે.

હાલ રાજ્યમાં બરાબરનો ચૂંટણીનો માહોલ જામ્યો છે અને તમામ રાજકીય પક્ષો મતદારોને આકર્ષવા માટે તનતોડ મહેનત કરી રહ્યા છે.

મુખ્યમંત્રી ભુપેન્દ્ર પટેલ ઉપરાંત કેન્દ્રીય નેતાઓ ઉપરા ઉપરી રોડ શૉ અને સભાઓ ગજવી રહ્યા છે.

મુખ્યમંત્રી ભુપેન્દ્ર પટેલે તેમના મત વિસ્તાર અંતર્ગત આવતાં બોપલમાં રોડ શો કર્યો હતો. જેમા મોટી સંખ્યામાં લોકો ઉમટી પડ્યા હતા.

મુખ્યમંત્રીએ રોડ શો દરમિયાન કાર્યકર્તાઓ, લોકોનું અભિવાદન ઝીલ્યું હતું.