India Railways: 508 રેલવે સ્ટેશન થશે રિડેવલપ, બિહારથી લઈ ગુજરાત સુધી આવી હશે ઝલક, જુઓ તસવીરો

અમૃત ભારત સ્ટેશન યોજના હેઠળ દેશભરના 1309 રેલવે સ્ટેશનનો પુનઃવિકાસ કરવામાં આવશે. 24,470 કરોડથી વધુનો ખર્ચ થશે. આ રેલવે સ્ટેશનો પર વર્લ્ડ ક્લાસ સુવિધાઓ ઉમેરવામાં આવશે.

આ 508 સ્ટેશન 27 રાજ્યો અને કેન્દ્રશાસિત પ્રદેશોના છે. જેમાં ઉત્તર પ્રદેશ અને રાજસ્થાનના 55-55 રેલવે સ્ટેશનનો સમાવેશ થાય છે. બિહારમાં 49, મહારાષ્ટ્રમાં 44, પશ્ચિમ બંગાળમાં 37, મધ્ય પ્રદેશમાં 34, આસામમાં 32, ઓડિશામાં 25, પંજાબમાં 22 સ્ટેશન છે.

આ સિવાય ગુજરાત અને તેલંગાણામાં 21-21 રેલવે સ્ટેશન, ઝારખંડમાં 20, આંધ્રપ્રદેશ અને તામિલનાડુમાં 18-18, હરિયાણામાં 15, કર્ણાટકમાં 13 અને અન્ય સ્થળોએ રિડેવલપ કરવાની યોજના છે.

આ રેલવે સ્ટેશનો પર આધુનિક સુવિધાઓ ઉમેરવામાં આવશે. આ સાથે સારી રીતે ડિઝાઇન કરાયેલા ટ્રાફિકને જોડવામાં આવશે જેથી અવરજવરમાં કોઈ મુશ્કેલી ન પડે. સાથે જ સ્ટેશન બિલ્ડીંગની ડિઝાઈન સ્થાનિક કલ્ચર, હેરિટેજ અને આર્કિટેક્ચરમાંથી બનાવવામાં આવશે.

આ રેલ્વે સ્ટેશનો ચોક્કસપણે દેશની કલા અને સંસ્કૃતિ દર્શાવશે. આ સાથે તમને ઈતિહાસનો પણ પરિચય કરાવશે. આ ઉપરાંત આ રેલવે સ્ટેશન એરપોર્ટનો દેખાવ પણ પ્રદર્શિત કરશે અને મુસાફરોની તમામ સુખ-સુવિધાઓનું ધ્યાન રાખવામાં આવશે.

નોંધપાત્ર વાત એ છે કે, કેન્દ્ર સરકારે દેશભરમાં રેલવે સ્ટેશનો વિકસાવવાની યોજના બનાવી છે, જેના વિશે રેલવે પ્રધાન અશ્વિની વૈષ્ણવે ઘણી વખત ઉલ્લેખ કર્યો છે. તેમણે કહ્યું હતું કે આ રેલ્વે સ્ટેશનો વર્લ્ડ ક્લાસ બનવા જઈ રહ્યા છે.