Aadhar Card: ડેડલાઈન પહેલા આધારકાર્ડને મફતમાં કરો અપડેટ, બાદમાં ચૂકવવી પડશે ફી

Aadhar card update: શું તમે પણ આધાર કાર્ડમાં માહિતી અપડેટ કરવા માંગો છો ? આધારમાં માહિતીને મફતમાં અપડેટ કરવા માટે 14 ડિસેમ્બર, 2024 સુધીનો સમય છે. એટલે કે, લોકો પાસે ફ્રીમાં અપડેટ કરવા માટે લગભગ 19 દિવસ બાકી છે.

અગાઉ ફ્રી અપડેટની સમયમર્યાદા 14 જૂન, 2024 હતી, જે વધારીને 14 સપ્ટેમ્બર, 2024 અને હવે 14 ડિસેમ્બર, 2024 કરવામાં આવી છે. આ પછી અપડેટ કરવા માટે ચાર્જ લાગશે. તો તમે લોકો વિલંબ કરશો નહીં. તમારી આધાર માહિતી સમયસર સુધારી લો અને ફ્રી સેવાનો લાભ લો.

યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ જાહેરાત કરી છે કે લોકો તેમના આધાર કાર્ડની માહિતી જેમ કે નામ, સરનામું અથવા જન્મ તારીખ 14 ડિસેમ્બર, 2024 સુધી મફતમાં અપડેટ કરી શકે છે.

આ પ્રક્રિયા સંપૂર્ણપણે ઓનલાઈન છે, જેથી તમે તમારા ઘરેથી તમારી માહિતી સરળતાથી અપડેટ કરી શકો છો.

UIDAIએ તમામ લોકોને સૂચન કર્યું છે કે જો તમારી માહિતી આધારમાં અપડેટ થયાને 10 વર્ષથી વધુ સમય થઈ ગયો હોય તો તેને અપડેટ કરો. તેનાથી તમને ઘણા ફાયદા થશે.

તમારી હાલની માહિતી આધારમાં અપડેટ કરવામાં આવશે. તમે ખાનગી અને સરકારી સેવાઓનો લાભ લઈ શકો છો. તમે આધાર વેરિફિકેશન માહિતી સરળતાથી અપડેટ કરી શકો છો.