Dussehra 2023: CM ભૂપેન્દ્ર પટેલે વિજયાદશમીના પર્વ નિમિત્તે કર્યું શસ્ત્રપૂજન, જુઓ તસવીરો

મુખ્યમંત્રી ભૂપેન્દ્રભાઈ પટેલે આજના વિજયાદશમીના પર્વ નિમિત્તે મુખ્યમંત્રી નિવાસસ્થાને સુરક્ષાકર્મીઓની સાથે વૈદિક મંત્રોચ્ચાર સાથે શસ્ત્રપૂજન કર્યું હતું.

મુખ્યમંત્રીએ શક્તિ અને સંસ્કૃતિના પ્રતિક સમા આ અવસરે સૌ નાગરીકોને શુભેચ્છા પાઠવી હતી.

સીએમ ભૂપેન્દ્ર પટેલે કહ્યું, શાસ્ત્ર એ જ્ઞાનનું પ્રતીક છે, જ્યારે શસ્ત્ર એ શક્તિનું પ્રતીક છે. શાસ્ત્રની સાથે શસ્ત્રના પૂજનનો પણ અનોખો મહિમા આપણી સંસ્કૃતિમાં વર્ણવવામાં આવ્યો છે.

શસ્ત્રપૂજનનો આ અવસર રાજ્ય, દેશ તથા વિશ્વમાં આસુરી શક્તિઓ પર દૈવી શક્તિના વિજયનો અવસર બની રહે તેવી પ્રાર્થના.

આ પહેલા આજે સીએમ સોશિયલ મીડિયા પર વિજયા દશમીની શુભકામના પાઠવી હતી.