ગાંધીનગર જિલ્લાના માણસામાં ભારે વરસાદથી જળબંબાકાર: સમૌ ગામના હનુમાનપુરા વિસ્તાર જળમગ્ન

સ્થળ પરથી મળતા દૃશ્યો અનુસાર, હનુમાનપુરા વિસ્તારના મોટાભાગના મકાનોમાં પાણી ભરાઈ ગયા છે.

સમગ્ર વિસ્તારમાં જ્યાં નજર પડે ત્યાં માત્ર પાણી જ જોવા મળી રહ્યું છે, જેના કારણે સ્થાનિક રહેવાસીઓને ભારે મુશ્કેલીઓનો સામનો કરવો પડી રહ્યો છે.

પરિસ્થિતિની ગંભીરતાને ધ્યાનમાં લેતા, માણસાના મામલતદાર પણ સમૌ ગામની મુલાકાતે પહોંચ્યા છે.

તેઓ સ્થિતિનું નિરીક્ષણ કરી રહ્યા છે અને સ્થાનિક વહીવટી તંત્ર સાથે મળીને રાહત અને બચાવ કાર્યની વ્યવસ્થા કરી રહ્યા છે.

હવામાન વિભાગના જણાવ્યા અનુસાર, આગામી 24 કલાક દરમિયાન વરસાદ ચાલુ રહેવાની શક્યતા છે.