UP Lok Sabha Election Result 2024: અખિલેશ-રાહુલની યૂપીમાં આંધી, BJPના સૂપડા સાફ

UP Lok Sabha Election Result 2024: ઉત્તર પ્રદેશમાં લોકસભા ચૂંટણી માટે મતગણતરી ચાલુ છે. આ દરમિયાન ભારતીય જનતા પાર્ટીને શરુઆતના ટ્રેન્ડમાં મોટો ફટકો પડ્યો છે. અહીં સમાજવાદી પાર્ટી અને કોંગ્રેસના ગઠબંધનને ભારતીય જનતા પાર્ટીને પાછળ છોડી દિધી છે.

તાજેતરના વલણોમાં, યુપીમાં ભાજપ 36 બેઠકો પર અને ઈન્ડિયા ગઠબંધન 43 બેઠકો પર આગળ છે. તેમાંથી સાત બેઠકો કોંગ્રેસની છે. જ્યારે રાષ્ટ્રીય લોકદળ તેની બંને બેઠકો બાગપત અને બિજનૌર પર આગળ છે.

2019ના ચૂંટણી પરિણામો પર નજર કરીએ તો ભાજપ તેના પાંચ વર્ષ જૂના ઈતિહાસનું પુનરાવર્તન કરે તેવું લાગતું નથી. અખિલેશ યાદવ અને રાહુલ ગાંધીની જોડી સફળતાના નવા ઝંડા લહેરાવતી જોવા મળી રહી છે.

સાત બેઠકો પર કોંગ્રેસ આગળ છે તેમાં સહારનપુર, અમરોહા, સીતાપુર, રાયબરેલી, અમેઠી, અલ્હાબાદ અને બારાબંકીનો સમાવેશ થાય છે. જે સીટો પર સપા આગળ છે તેમાં કૈરાના, મુઝફ્ફરનગર, મુરાદાબાદ, રામપુર, મેરઠ, અલીગઢ, ફિરોઝાબાદ, મૈનપુરી, એટા, ખેરી, ધૌરહરા, મોહનલાલગંજ, સુલતાનપુર પ્રતાપગઢ, ઇટાવાનો સમાવેશ થાય છે. આ સિવાય કન્નૌજ, જાલૌન, બાંદા, કૌશામ્બી, ફૈઝાબાદ, આંબેડકર નગર, શ્રાવસ્તી, બસ્તી, સંત કબીર નગર, લાલગંજ, આઝમગઢમાં પણ સપા આગળ છે.

બપોરે 12.26 વાગ્યા સુધી ભાજપ સંભલ, મેરઠ, ગાઝિયાબાદ, ગૌતમ બુદ્ધ નગર, બુલંદશહર, હાથરસ, મથુરા, આગ્રા, ફતેહપુર સીકરી, બદાયૂ, આંવલા, બરેલી, પીલીભીત, શાહજહાંપુર, હરદોઈમાં આગળ છે.

ટ્રેન્ડ મુજબ યુપીમાં સપાને 32.87 ટકા, બસપાને 9.16 ટકા વોટ, કોંગ્રેસને 10.40 ટકા વોટ અને બીજેપીને 41.53 ટકા વોટ મળ્યા છે. ટ્રેન્ડમાં સપા 37, ભાજપ 32, કોંગ્રેસ 8, આરએલડી 2 અને ચંદ્રશેખર આઝાદ એક સીટ પર આગળ છે.

(તમામ તસવીરો સોશિયલ મીડિયા )