Lok Sabha Election 2024: જો કોઇ અન્ય વ્યક્તિ તમારા નામે મત આપે તો તરત જ કરો આ કામ

Election 2024: ચૂંટણીની તારીખો નજીક આવી રહી છે, આવી સ્થિતિમાં તમારે જાણવું જોઈએ કે મતદાન મથક પર તમારા અધિકારો શું છે. તમને મતદાન કરવાથી રોકી શકાય નહીં. લોકસભાની ચૂંટણીને લઈને દેશભરમાં વાતાવરણ ગરમાયું છે અને તમામ પક્ષોના નેતાઓએ પોતાનો ચૂંટણી પ્રચાર શરૂ કરી દીધો છે.

ચૂંટણી પંચ દ્વારા થોડા દિવસો પહેલા ચૂંટણીની તારીખોની જાહેરાત કરવામાં આવી હતી, જેમાં કહેવામાં આવ્યું હતું કે ચૂંટણી કુલ 7 તબક્કામાં યોજાશે.

ચૂંટણી પંચના જણાવ્યા અનુસાર, લોકસભા ચૂંટણી માટે પ્રથમ મતદાન 19 એપ્રિલે થશે અને ચૂંટણીના પરિણામો 4 જૂને જાહેર થશે.

હવે સામાન્ય લોકોના મનમાં ચૂંટણી સંબંધિત ઘણા પ્રશ્નો છે, જેના જવાબો તેમના માટે મહત્વપૂર્ણ છે.

એક સવાલ એ પણ છે કે જો કોઈ તમારા નામે નકલી મત આપે તો પણ શું તમે વોટ આપી શકો?

ભારતીય ચૂંટણી આચાર અધિનિયમ 1961માં આ માટેની જોગવાઈ છે. જો આવું થાય, તો તમે પ્રિસાઇડિંગ ઓફિસરને ફરિયાદ કરી શકો છો.

તમારી પાસે તમારું વોટર આઈડી કાર્ડ અને વોટિંગ સ્લિપ હોવી જોઈએ. ચૂંટણી અધિકારી તમને કેટલાક પ્રશ્નો પૂછી શકે છે, જેના પછી તમે સ્લિપ દ્વારા મત આપી શકો છો. આને ટેન્ડર વોટિંગ કહેવામાં આવે છે.