Lok Sabha Election Result 2024: 1.67 મતોથી હાર્યા સ્મૃતિ ઇરાની તો 75 હજાર મતથી હાર્યા રાજ બબ્બર, આ દિગ્ગજ સ્ટાર્સને મળી કારમી હાર

2024ની લોકસભા ચૂંટણીમાં બોલિવૂડથી લઈને ભોજપુરી સુધીના સ્ટાર્સે ચૂંટણી લડી હતી. જ્યારે કંગના રનૌત, અરુણ ગોવિલ અને હેમા માલિની સહિત ઘણા સેલેબ્સ જીત્યા, તો સ્મૃતિ ઈરાની અને રાજ બબ્બર સહિતના ઘણા સ્ટાર્સ હારી ગયા.

ભાજપ ઉમેદવાર સ્મૃતિ ઈરાની લોકસભા ચૂંટણી 2024માં યુપીની અમેઠી બેઠક પરથી ચૂંટણી લડી હતી. સ્મૃતિને આ બેઠક પર કોંગ્રેસના કિશોરી લાલે હાર આપી છે.

કોંગ્રેસના કિશોરી લાલને 539228 વોટ મળ્યા જ્યારે સ્મૃતિ ઈરાનીને 372032 વોટ મળ્યા. આ સાથે સ્મૃતિ ઈરાની કોંગ્રેસના કિશોરી લાલ સામે 167196 મતોથી હારી ગયા.

બોલિવૂડ અભિનેતામાંથી રાજકારણી બનેલા રાજ બબ્બરે કોંગ્રેસની ટિકિટ પર હરિયાણાની ગુરુગ્રામ બેઠક પરથી ચૂંટણી લડી હતી. જોકે રાજ બબ્બરને હારનો સામનો કરવો પડ્યો હતો.

કોંગ્રેસના ઉમેદવાર રાજ બબ્બરને બીજેપીના ઈન્દ્રજીત સિંહે 75 હજારથી વધુ મતોથી હરાવ્યા છે.

ભોજપુરી સ્ટાર દિનેશ લાલ યાદવ ઉર્ફે નિરહુઆએ ભારતીય જનતા પાર્ટીના ઉમેદવાર તરીકે યુપીની આઝમગઢ સીટ પરથી ચૂંટણી લડી હતી. પરંતુ દિનેશ લાલ યાદવને હારનો સામનો કરવો પડ્યો છે.

દિનેશ લાલ યાદવ ઉર્ફે નિરહુઆને સમાજવાદી પાર્ટીના ધર્મેન્દ્ર યાદવ સામે 1 લાખ 61 હજારથી વધુ મતોથી હાર મળી છે.

ભોજપુરી સુપરસ્ટાર પવન સિંહ બિહારની કરકટ સીટ પરથી અપક્ષ ઉમેદવાર તરીકે ચૂંટણી લડ્યા હતા. જો કે પવન સિંહ ચૂંટણીમાં ફ્લોપ રહ્યા અને હારી ગયા.

ભોજપુરી સ્ટારને કોમ્યુનિસ્ટ પાર્ટીના રાજા રામ સિંહે 99 હજાર 256 મતોથી હરાવ્યા હતા.