Weather Update: મહારાષ્ટ્રમાં વરસાદને લઈ રેડ એલર્ટ, દિલ્હી-યૂપી પંજાબ સહિત દેશભરમાં તોફાની વરસાદની આગાહી

Rain Alert: ભારતીય હવામાન વિભાગ (IMD) એ આગાહીમાં જણાવ્યું છે કે મંગળવાર (16 જુલાઈ, 2024)ના રોજ ગોવા, મધ્ય મહારાષ્ટ્રના ઘાટ પ્રદેશ, ગુજરાત અને તટીય કર્ણાટકમાં ભારે વરસાદ પડી શકે છે. ભારતીય હવામાન વિભાગે આ આગાહી કરી છે.

IMDએ કહ્યું કે આજે ગુજરાત, ગોવા, મધ્ય મહારાષ્ટ્ર અને સિક્કિમમાં ભારે વરસાદ પડી શકે છે. હવામાન વિભાગે આ રાજ્યો માટે રેડ એલર્ટ જાહેર કર્યું છે.

હવામાન વિભાગે કહ્યું કે કેરળ અને પશ્ચિમ મધ્યપ્રદેશમાં પણ વરસાદની સંભાવના છે. આવી સ્થિતિમાં આ રાજ્યો માટે ઓરેન્જ એલર્ટ જાહેર કરવામાં આવ્યું છે.

IMDએ જણાવ્યું કે બુધવાર (17 જુલાઈ, 2024)ના રોજ યુપી, ઉત્તરાખંડ, પંજાબ અને હિમાચલ પ્રદેશમાં મોટા ભાગના સ્થળોએ વરસાદની સંભાવના વ્યક્ત કરી છે.

હવામાન વિભાગે કહ્યું કે ગુરુવારે (18 જુલાઈ, 2024) દેશના મોટાભાગના રાજ્યોમાં વરસાદ પડી શકે છે. 19 જુલાઈના રોજ પણ આવું જ હવામાન રહી શકે છે.

હવામાન વિભાગે મંગળવારે દિલ્હીમાં વાદળછાયું આકાશ અને હળવા વરસાદની આગાહી કરી છે. IMD અનુસાર, દિલ્હીમાં આજે મહત્તમ અને લઘુત્તમ તાપમાન અનુક્રમે 36 અને 25 ડિગ્રી સેલ્સિયસની આસપાસ રહેવાની ધારણા છે.

શિમલામાં સ્થિત હવામાન વિભાગે હિમાચલ પ્રદેશમાં 21 જુલાઈ સુધી વરસાદની આગાહી કરી છે. રવિવાર સાંજથી રાજ્યના કેટલાક ભાગોમાં વરસાદ પડી રહ્યો છે.

IMDએ સોમવારે કહ્યું કે બંગાળની ખાડીમાં બનેલા લો પ્રેશર વિસ્તારને કારણે ઓડિશામાં આગામી ચાર દિવસ સુધી ભારે વરસાદની સંભાવના છે.