Weather Update Today: તોફાન અને વરસાદ ઘમરોળશે આ વિસ્તારને, આ રાજ્યો માટે રેડ અને ઓરેન્જ એલર્ટ, જાણો હવામાન વિભાગની લેટેસ્ટ આગાહી

ઉત્તર ભારત સહિત દેશના ઘણા રાજ્યોમાં સક્રિય વેસ્ટર્ન ડિસ્ટર્બન્સના કારણે આજથી વરસાદી મોસમ શરૂ થવા જઈ રહી છે. હવામાન વિભાગે દેશના વિવિધ ભાગોમાં ભારે વરસાદનું રેડ અને ઓરેન્જ એલર્ટ જારી કર્યું છે. આ સાથે અનેક રાજ્યોમાં કરા અને વાવાઝોડાની પણ આગાહી કરવામાં આવી છે.

હવામાન વિભાગના જણાવ્યા અનુસાર, રાજધાની દિલ્હીમાં આજે એટલે કે સોમવાર (19 ફેબ્રુઆરી) અંશતઃ વાદળછાયું અને ધુમ્મસવાળું વાતાવરણ રહેવાની સંભાવના છે. આ સાથે સોમવારે ભારે પવન સાથે વરસાદ, વાદળછાયું આકાશ અને મંગળવાર અને બુધવારે વરસાદની શક્યતા છે.

આ સિવાય 19 અને 20 ફેબ્રુઆરી દરમિયાન પંજાબ, હરિયાણા, ચંદીગઢ અને ઉત્તર રાજસ્થાનમાં અલગ-અલગ સ્થળોએ કરા પડવાની આગાહી કરવામાં આવી છે. હવામાન વિભાગના જણાવ્યા અનુસાર વેસ્ટર્ન ડિસ્ટર્બન્સના કારણે હવામાનમાં આ ફેરફાર જોવા મળી રહ્યો છે.

હવામાન વિભાગના જણાવ્યા અનુસાર, 19-21 ફેબ્રુઆરી દરમિયાન હરિયાણા, ચંદીગઢ, દિલ્હી અને પશ્ચિમ ઉત્તર પ્રદેશમાં વાવાઝોડું, વીજળી અને જોરદાર પવન ફૂંકાવાની શક્યતા છે. આ ઉપરાંત 19 અને 20 ફેબ્રુઆરી દરમિયાન રાજસ્થાનમાં અને 20-22 ફેબ્રુઆરી દરમિયાન પૂર્વ ઉત્તર પ્રદેશમાં છૂટાછવાયા વાવાઝોડા, વીજળી અને તેજ પવનની શક્યતા છે.

IMDનું કહેવું છે કે 20 ફેબ્રુઆરી દરમિયાન જમ્મુ અને કાશ્મીર, લદ્દાખ, ગિલગિટ અને હિમાચલ પ્રદેશમાં વિવિધ સ્થળોએ ભારે વરસાદ અને હિમવર્ષા થવાની સંભાવના છે. ઉત્તરાખંડમાં 19 અને 20 ફેબ્રુઆરીએ ભારે વરસાદ અને હિમવર્ષા થવાની સંભાવના છે. હવામાન વિભાગે આ અંગે રેડ એલર્ટ જાહેર કર્યું છે.