રાજકોટમાં ગેરકાયદે બાયો ડીઝલના રેકેટનો પર્દાફાશ, ગોંડલના શ્રીનાથગઢ નજીક ગ્રામ્ય SOGનો દરોડામાં 17.60 લાખનો જથ્થો ઝડપાયો

ગોંડલના શ્રીનાથગઢ નજીક બાયો ડીઝલના ગેરકાયદે વેચાણ ઉપર ગ્રામ્ય SOG એ દરોડો પાડીને ગેરકાયદેસર પંપ ઝડપી પાડ્યો છે.

ગ્રામ્ય SOG દ્વારા પાડવામાં આવેલ દરોડામાં મોટા પ્રમાણમાં બાયો ડીઝલનું વેંચાણ થતું હોવાનું બહાર આવ્યું છે. આ દરોડામાં 17.60 લાખનો જથ્થો સીઝ કરવામાં આવ્યો છે.

મળતી માહિતી મુજબ ગ્રામ્ય વિસ્તારના ઓરડી બનાવી બાયો ડિઝલનું ગેરકાયદે વેંચાણ હાથ ધરવામાં આવતું હતું.

સાથે જ મોબાઈલ, 7 હજાર લિટરથી વધુનું ઈંધણ સહિતનો મુદ્દામાલ કબ્જે કરવામાં આવ્યો છે.

આ દરોડામાં બે શખ્સોની અટકાયત કરવામાં આવી છે.

નોંધનીય છે કે, જિલ્લામાં ધમધમતા બાયો ડિઝલના ગેરકાયદે કારોબાર ઉપર કાર્યવાહીના આદેશ બાદ દરોડા પાડવામાં આવ્યા છે.