સુરતમાં પૂર્વ સીએમ વિજય રૂપાણી સાથે કાર્યકર્તાઓએ સેલ્ફી લેવા કરી પડાપડી, જુઓ તસવીરો

ગુજરાત વિધાનસભાની ચૂંટણી નજીક આવતાં જ તમામ પક્ષો સક્રિય થઈ ગયા છે. જેને લઈ સુરતમાં ભાજપ પ્રદેશ કારોબારીની બેઠક યોજાઈ રહી છે.

આ બેઠકમાં ભાગ લેવા ગુજરાતના પૂર્વ સીએમ વિજય રૂપાણી સહિત ભાજપના નેતાઓ સુરત આવ્યા છે.

કાર્યક્રમ સ્થળે પૂર્વ સીએમ વિજય રૂપાણી પહોંચતા જ મહિલા કાર્યકર્તાઓએ તેમની સાથે સેલ્ફી લેવા પડાપડી કરી હતી.

કારોબારી બેઠકમાં સી.આર.પાટીલે કહ્યું, ચૂંટણીના સમયમાં જવાબદાર લોકો સિવાય કોઈએ નિવેદનો ન આપવા. ટીવી ડીબેટમાં ભાજપનો કોઈ કાર્યકર્તા જાય નહીં તેવી કડક સૂચના છે.

ટિકિટની ચિંતા ન કરવા પ્રદેશ અધ્યક્ષ સી આર પાટીલે ટકોર કરી કહ્યું, કેન્દ્રના નેતૃત્વ પર વિશ્વાસ રાખો. કેન્દ્રનું નેતૃત્વ મેરીટના બળ પર જ ઉમેદવારને ટીકીટ આપશે. ટિકિટની ચિંતા કરવાની જરૂર નથી.

કેન્દ્ર અને રાજ્ય સરકારની યોજનાઓ લોકો સુધી લઈ જવા પ્રદેશ પ્રમુખે ટકોર કરી કહ્યું. કેન્દ્ર અને રાજ્ય સરકારની ખેડૂતલક્ષી યોજનાઓ ને સતત ખેડૂતો ને યાદ અપાવવી જોઈએ. કાર્યકર્તા કામ ન કરતો હોય તો તેને ટકોર કરીને કામે લગાડી દો.