કંગાળ પાકિસ્તાન હવે ભગવાન ભરોસે, પેટ્રોલ-ડીઝલના પણ ફાંફા પડવાના છે!

નાદારીની આરે ઉભેલા પાકિસ્તાનની સમસ્યાઓનો કોઈ અંત નથી. એક કટોકટીનો અંત આવે તે પહેલાં તેની સામે એક નવું સંકટ ઊભું થતું હોય છે.

પાકિસ્તાનની અર્થવ્યવસ્થા ડગમગી રહી છે. મોંઘવારી દર 29 ટકાના ઊંચા સ્તરે છે, જેના કારણે સામાન્ય લોકોનું જીવન મુશ્કેલ બની રહ્યું છે.

સામાન્ય લોકો જરૂરી ખાદ્ય ચીજોની અછતનો સામનો કરી રહ્યા છે. તાજેતરમાં લોટ અને ઘઉંની ગંભીર અછત હતી.

હવે પાકિસ્તાનના લોકોને એ વાતની ચિંતા છે કે તેમને આગામી દિવસોમાં ડીઝલ અને પેટ્રોલની કિંમતનો સામનો ન કરવો પડે.

હકીકતમાં, બહુરાષ્ટ્રીય પેટ્રોલિયમ કંપની શેલે પાકિસ્તાનના માર્કેટમાંથી બહાર નીકળવાનો નિર્ણય લીધો છે. કંપની તેના પાકિસ્તાની બિઝનેસને વેચવાની તૈયારીમાં છે.

શેલનું કહેવું છે કે ગયા વર્ષે વિનિમય દર, પાકિસ્તાની રૂપિયામાં ઘટાડો અને બાકી રકમ વગેરેને કારણે તેને મોટું નુકસાન થયું હતું.

શેલ પાકિસ્તાનમાં પેટ્રોલ પંપના સૌથી મોટા નેટવર્કમાંથી એકનું સંચાલન કરે છે. આવી સ્થિતિમાં, શેલના બહાર નીકળવાના કારણે આ પેટ્રોલ પંપ બંધ થઈ શકે છે.

આ સિવાય શેલ પાકિસ્તાનની પાક અરબ પાઇપલાઇન કંપનીમાં પણ 26 ટકા હિસ્સો છે અને તેને પણ વેચવાના પ્રયાસો ચાલુ છે.