War Update: યુદ્ધમાં ઇઝરાયેલ પ્રત્યે અમેરિકાથી લઇને જર્મની સુધી કંઇક આ રીતે બતાવી એકજૂથતા, જુઓ તસવીરો.....

Israel Palestine Attack: છેલ્લા ત્રણ દિવસથી દુનિયામાં ભારે અને ભયંકર યુદ્ધ છેડાઇ ગયુ છે, આતંકવાદી સંગઠન હમાસ દ્વારા ઇઝરાયેલ પર 5000 રૉકેટથી હુમલો કરવામાં આવ્યો અને બાદમાં ઇઝરાયેલ અને હમાસ વચ્ચે લોહિયાળ જંગ શરૂ થઇ ગયો છે. ઈઝરાયેલ અને હમાસ વચ્ચે ચાલી રહેલા યુદ્ધ દરમિયાન અત્યાર સુધીમાં 300 થી વધુ ઈઝરાયેલના મોત થયા છે અને 1800 જેટલા ઘાયલ થયા છે. હવે આ ઈઝરાયેલ અને પેલેસ્ટાઈન યુદ્ધમાં અમેરિકાથી લઇને જર્મની સુધી ઈઝરાયેલ પ્રત્યે જબરદસ્ત એકતા બતાવી છે....

મિડટાઉન મેનહટન, ન્યૂયોર્કમાં આવેલી એમ્પાયર સ્ટેટ બિલ્ડીંગ ઇઝરાયલી ધ્વજના બ્લૂ એન્ડ વ્હાઇટ રંગોમાં પ્રકાશિત છે.

ઇઝરાયેલ સાથે એકતા દર્શાવવા માટે બર્લિનનો બ્રાન્ડેનબર્ગ ગેટ બ્લૂ એન્ડ વ્હાઇટ રંગમાં બતાવ્યો. ઈઝરાયેલે પણ તેનું સ્વાગત કર્યું છે.

યુરોપિયન યુનિયને પણ ઈઝરાયલના બ્લૂ એન્ડ વ્હાઇટ ધ્વજથી તેની ઈમારતને રંગીને ઈઝરાયેલને પોતાનું સમર્થન દર્શાવ્યું હતું. તેણે લખ્યું કે ઈઝરાયેલને પોતાનો બચાવ કરવાનો અધિકાર છે.

સેંકડો જર્મનોએ બર્લિનમાં બ્રાન્ડેનબર્ગ ગેટની સામે ઇઝરાયેલ માટે તેમનો ટેકો વ્યક્ત કર્યો.

ઑસ્ટ્રિયાના વિદેશ મંત્રાલયે ઈઝરાયેલ સાથે એકતા દર્શાવતા તેની ઈમારત પર ઈઝરાયેલનો ધ્વજ ફરકાવ્યો હતો.

ઇટાલીએ પણ ઇઝરાયેલ પ્રત્યે એકતા દર્શાવી હતી. આ માટે તેણે પલાઝો ડેલાને ઈઝરાયેલના ધ્વજથી સજાવ્યો.