પ્રથમવાર રવાના થયું દુનિયાનું સૌથી મોટું ક્રૂઝ, જેમાં છે 40 રેસ્ટોરન્ટ

આઇકોન ઓફ ધ સીઝ વિશે કહેવામાં આવી રહ્યું છે કે આ ટાઇટેનિક જેવું જહાજ છે, જેનું સપનું 50 વર્ષથી વધુ સમયથી જોવામાં આવી રહ્યું હતું.

આ જહાજ 20 ડેક પર આઠ ભાગમાં વહેંચાયેલું છે. તેમાં એવી સુવિધાઓ છે જેને સાંભળીને તમે ચોંકી ઉઠશો. આ ક્રૂઝમાં 40થી વધુ રેસ્ટોરાં છે.

આ ક્રૂઝમાં 6 વોટરસ્લાઈડ્સ, 7 સ્વિમિંગ પૂલ, આઈસ-સ્કેટિંગ રિંગ અને થિયેટર પણ છે. નોંધનીય છે કે એક સમયે 7600 મુસાફરો અને 2350 ક્રૂ મેમ્બર આ ક્રૂઝમાં બેસી શકે છે.

કહેવામાં આવી રહ્યું છે કે ઓક્ટોબર 2022માં પહેલીવાર આ ક્રૂઝનું અનાવરણ કરવામાં આવ્યું હતું. આ જહાજની સૌથી મોટી વાત એ છે કે જ્યારે તેનું બુકિંગ શરૂ થયું ત્યારે તેના 53 વર્ષના ઈતિહાસમાં એક દિવસમાં સૌથી વધુ બુકિંગનો રેકોર્ડ સર્જાયો હતો.

આ ક્રૂઝની તસવીરો સોશિયલ મીડિયા પર વાયરલ થઈ રહી છે. જેમાં તમે પણ જોઈ શકો છો કે આ ક્રૂઝ અંદર અને બહારથી કેટલું અદભૂત છે.