એક પછી એક ખેલાડી કોરોનાની ઝપેટમાં આવતા IPL પર ખતરો, કોણ-કોણ થયા કોરોનાથી સંક્રમિત, જાણો વિગતે

નવી દિલ્હીઃ ઇન્ડિયન પ્રીમિયર લીગની (IPL 2021) 14મી સિઝન શરૂ થયા તે પહેલા જ લીગ મુશ્કેલીમાં મુકાઇ છે. કોરોનાનો ખતરો લીગ પર ફરી એકવાર ઉભો થયો છે. આગામી 9મી એપ્રિલથી આઇપીએલ શરૂ થઇ રહી છે. આઇપીએલ ટીમોના ખેલાડીઓની સાથે સાથે સ્ટાફ મેમ્બરો પણ કોરોનાથી સંક્રમિત (Corona positive) થવા લાગ્યા છે.

આરસીબીને ખતરો..... આઇપીએલ 2021ની પહેલી મેચ રૉયલ ચેલેન્જર્સ બેંગ્લૉર (RCB Player) અને મુંબઇ ઇન્ડિયન્સની વચ્ચે રમાશે. પરંતુ આઇપીએલની શરૂઆત પહેલા જ કોહલીની ટીમ એટલે કે આરસીબીને મોટો ઝટકો લાગ્યો છે. તેની ટીમનો સ્ટાર ઓપનર બેટ્સમેન દેવદત્ત પડિકલ (Devdutt Padikkal) કોરોનાથી સંક્રમિત થયો છે.

ગઇ સિઝનમાં શાનદાર રહ્યું પેડિકલનુ પ્રદર્શન... ઘરેલુ ક્રિકેટમાં કર્ણાટક માટે રમનારા 20 વર્ષીય લેફ્ટ હેન્ડ બેટ્સમેન દેવદત્ત પડિકલે ગઇ સિઝનમાં જ પોતાનુ શાનદાર આઇપીએલ ડેબ્યૂ કર્યુ હતુ. આઇપીએલ 2020માં દેવદત્ત પડિકલનુ (Devdutt Padikkal) પ્રદર્શન શાનદાર રહ્યુ હતુ. ટૂર્નામેન્ટમાં તેને વિરાટ કોહલીથી પણ વધુ રન બનાવ્યા હતા. તેને 15 મેચોમાં 473 રન બનાવ્યા હતા, આમાં પાંચ ફિફ્ટી પણ સામેલ હતી. આ વર્ષે દેવદત્ત પડિકલને વિરાટ કોહલીની (virat kohli) સાથે ઇનિંગની શરૂઆત કરવાની હતી, પરંતુ હવે તેની કેટલીક મેચો મિસ કરવાનુ નક્કી છે.

અક્ષર પટેલ કોરોનાથી સંક્રમિત.... આઈપીએલ 2021ની શરૂઆત પહેલા દિલ્હી કેપિટલ્સને (Delhi Capitals) પણ મોટો ઝાટકો લાગ્યો છે. ટીમના સ્ટાર ઓલરાઉન્ડર અક્ષર પટેલનો (Axar Patel Corona) કોરોના રિપોર્ટ પોઝિટિવ આવ્યો હતો. ત્યારબાદ તેને આઇસૉલેશનમાં મોકલી દેવામાં આવ્યો હતો.

9મી એપ્રિલથી આઇપીએલની નવી સિઝનની શરૂઆત..... આ ટૂર્નામેન્ટનું આ વખતે અમદાવાદ, બેંગ્લુરુ, ચેન્નાઇ, દિલ્હી, મુંબઇ અને કોલકત્તામાં આયોજન કરવામાં આવશે. અમદાવાદમાં 8 મેચો રમાશે. આ વખતે આઇપીએલની ખાસિયત એ છે કે તમામ મેચો ન્યૂટ્રલ વેન્યૂ પર રમાશે. કોઇપણ ટીમ પોતાના ઘરેલુ મેદાન પર કોઇ મેચ નહીં રમે. દરેક ટીમ છથી ચાર મેદાનો પર પોતાની લીગ સ્ટેજ મેચ રમશે. દુનિયાના સૌથી મોટા સ્ટેડિયમ નરેન્દ્ર મોદી ક્રિકેટ સ્ટેડિયમ(Narendra Modi Stadium)માં આઇપીએલની પ્લેઓફ અને 30 મે 2021એ ફાઇનલ રમાશે. આ સ્ટેડિયમમાં પહેલીવાર આઇપીએલ મેચ રમાશે.

સીએસકેનો એક સભ્યો કોરોના પૉઝિટીવ..... આઇપીએલમાં ધોનીની ટીમ ચેન્નાઇ સુપર કિંગ્સને એક મોટો ઝટકો લાગ્યો છે. શરૂઆત પહેલા જ તેમની કન્ટેન્ટ ટીમના એક અધિકારીને કોરોના રિપોર્ટ પૉઝિટીવ આવ્યો છે. જોકે આ સભ્ય ટીમના અન્ય સભ્યોથી પહેલાથી જ અલગ રહેતો હતો જેથી કોઇના સંપર્કમાં આવ્યો નથી. હાલ તે આઇસૉલેશનમાં છે. 10 એપ્રિલે સીએસકે પોતાની પહેલી આઇપીએલ મેચ દિલ્હી કેપિટલ્સ સામે રમવાની છે.