કૉંગ્રેસે વધુ એક બેઠકના બદલ્યા ઉમેદવાર, રાજકોટ પૂર્વની બેઠક કોને ફાળવી, જાણો

રાજકોટ શહેર કોંગ્રેસના એક જુથે ઉચ્ચકક્ષાએ રજૂઆત કરતા ડેમેજ કંટ્રોલના ભાગરૂપે કોંગ્રેસ સાથે ગઠબંધન કરનાર છોટુભાઈ વસાવાને રાજી રાખવા કોંગ્રેસ હાઈકમાન્ડે મિતુલ દોંગાને ઉમેદવારી પાછી ખેંચવા અને છોટુભાઈ વસાવાની પાર્ટીમાંથી હાઈકમાન્ડે કરણાભાઈ માલધારીને કોંગ્રેસ સાથે સંકલન કરીને બેઠક જીતી બતાવવા આદેશ કર્યો છે.

રાજકોટ: રાજકોટ શહેરની પૂર્વ 68 વિધાનસભા બેઠક પર કોંગ્રેસ હાઈકમાન્ડે છોટુભાઈ વસાવાની પાર્ટીને ફાળવી કોંગ્રેસના સત્તાવાર ઉમેદવાર મિતુલ દોંગાને ઉમેદવારી પત્રક પાછું ખેંચી લેવાની સૂચના આપતા કોંગ્રેસમાં ખળભળાટ મચી ગયો છે.

મિતુલ દોંગાને રાજકોટ પૂર્વની બેઠક પર ટીકીટ આપતાની સાથે જ કોંગ્રેસમાં બળવો થતા અને કોળી સમાજ તથા રાજપૂત જુથે શકિતસિંહ ગોહિલ તથા ધારાસભ્ય ઈન્દ્રનિલ રાજ્યગુરૂના પૂતળા બાળી રોષ વ્યકત કરવામાં આવ્યો હતો.