ચાલુ મેચમાં ‘અશ્લીલ’ ઈશારો કરીને વિવાદમાં ફસાયો આ પાકિસ્તાની ક્રિકેટર

વીડિયો સામે આવ્યા બાદ સોશિયલ મીડિયામાં તનવીરનો મજાક ઉડી રહ્યો છે. લોકો આંતરરાષ્ટ્રીય ક્રિકેટ સમિતિ (ICC)ને તનવીર વિરુદ્ધ પગલા લેવાની માગણી કરી રહ્યા છે. ઓસ્ટ્રેલિયાના સાથી ખેલાડી ક્રિસ લિને પણ તનવીર પર નિશાનો સાધ્યો. તેને પણ તનવીરનો ઈશારો પસંદ નથી આવ્યો.

મેચમાં 17મી ઓવર દરમિયાન બેન કટિંગે તનવીરના ત્રીજા બોલ પર સિક્સર ફટકારી હતી. તેના પછીના બોલ પર તનવીર કટિંગને બોલ્ડ કરી દીધો. પાછલા બોલ પર લાગેલી સિક્સરથી ગુસ્સે થયેલા તનવીરે આંગળીથી ઈશારો કરીને કટિંગને ચીડાવ્યો હતો. જણાવી દઈએ કે તનવીર ગુયાના અમેઝોન વોરિયર્સ અને કટિંગ સેન્ટ કિટ્સ એન્ડ નેવિસ પેટરિયોર્ટ્સની ટીમથી રમે છે. આ મુકાબલામાં તનવીરની ટીમે 6 વિકેટે જીત મેળવી.

નવી દિલ્હીઃ કેરેબિયન પ્રીમિયર લીગમાં રમી રહેલ પાકિસ્તાનના બોલર સોહેલ તનવિર એ સમયે વિવાદમાં આવ્યો જ્યારે તેણે બેન કટિંગને આઉટ કર્યા બાદ બન્ને આંગળી બતાવીને અશ્લીલ ઈશારો કર્યો. ટૂર્નામેન્ટ અંતર્ગત ગુયાના અમેઝોન વોરિયર્સ અને સેન્ટ કિટ્સ એન્ડ નેવિસ પેટ્રિયોટ્સની વચ્ચેના મેચ દરમિયાન આ ઘટના ઘટી.