CSK vs PBKS: પંજાબ કિંગ્સે ચેન્નાઈ સુપર કિંગ્સને 7 વિકેટે હરાવ્યું
CSK vs PBKS Live Score: અહીં તમને ચેન્નાઈ સુપર કિંગ્સ અને પંજાબ કિંગ્સની મેચનો લાઈવ સ્કોર અને મેચ સંબંધિત તમામ અપડેટ્સ મળશે.
CSK vs PBKS: પંજાબ કિંગ્સે ચેન્નાઈ સુપર કિંગ્સને 7 વિકેટે હરાવ્યું છે. જોની બેરસ્ટો અને રિલે રૂસોની શાનદાર ઇનિંગ્સના કારણે પંજાબે 13 બોલ બાકી રહેતા મેચ જીતી લીધી હતી. પ્રથમ બેટિંગ કરતી વખતે, રુતુરાજ ગાયકવાડની શાનદાર ફિફ્ટીની મદદથી CSKએ 162 રન બનાવ્યા હતા. જ્યારે પંજાબ ટાર્ગેટનો પીછો કરવા નીકળ્યો ત્યારે પ્રભાસિમરન 13 રન બનાવીને ઝડપથી તેની વિકેટ ગુમાવી બેઠો હતો. બીજી તરફ, જોની બેરસ્ટો આજે કોઈને બક્ષવાના મૂડમાં નહોતો કારણ કે તેણે 30 બોલમાં 46 રન બનાવ્યા હતા, જેમાં 7 ચોગ્ગા અને 1 છગ્ગાનો સમાવેશ થતો હતો. બેયરસ્ટોના આઉટ થયા બાદ રૂસોની તોફાની ઇનિંગ્સે CSKની બોલિંગને લાચાર બનાવી દીધી હતી. રુસોએ 23 બોલમાં 5 ચોગ્ગા અને 2 છગ્ગાની મદદથી 43 રન બનાવ્યા હતા. શશાંક સિંહ 25 અને સેમ કરન 26 રન બનાવી નોટ આઉટ રહ્યા હતા.
12મી ઓવરમાં શાર્દુલ ઠાકુરે પ્રથમ પાંચ બોલમાં 14 રન આપ્યા હતા. જોકે, રિલે રોસો છેલ્લા બોલ પર આઉટ થયો હતો. રોસો 23 બોલમાં 43 રન બનાવીને આઉટ થયો હતો. તેના બેટમાંથી 5 ચોગ્ગા અને 2 છગ્ગા આવ્યા, હવે પંજાબને જીતવા માટે 48 બોલમાં માત્ર 50 રન બનાવવાના છે. શશાંક સિંહ અને સેમ કરન ક્રિઝ પર છે.
શાર્દુલ ઠાકુરે છઠ્ઠી ઓવરમાં 13 રન આપ્યા હતા. જોની બેયરસ્ટોએ આ ઓવરમાં બે ચોગ્ગા ફટકાર્યા હતા. 6 ઓવર પછી પંજાબ કિંગ્સનો સ્કોર એક વિકેટે 52 રન છે. રિલી રોસો 9 બોલમાં 18 રન અને જોની બેરસ્ટો 17 બોલમાં 20 રન બનાવીને રમતમાં છે. રોસોએ 4 ચોગ્ગા ફટકાર્યા છે. જ્યારે બેયરસ્ટોના બેટમાંથી 3 ચોગ્ગા આવ્યા હતા.
ચેન્નાઈ સુપર કિગ્સે પંજાબને જીતવા માટે 163 રનનો ટાર્ગટ આપ્યો છે. ચેન્નાઈ તરફથી કેપ્ટન ગાયકવાડે સૌથી વધુ 62 રન બનાવ્યા હતા. જ્યારે પંજાબ તરફથી બ્રાર અને રાહુલને બે-બે વિકેટ મળી હતી.
ચેન્નાઈ સુપર કિંગ્સે 16મી ઓવરમાં 107 રનમાં ચોથી વિકેટ ગુમાવી હતી. સમીર રિઝવી 23 બોલમાં એક ફોર સાથે 21 રન બનાવીને આઉટ થયો હતો. કાગીસો રબાડાએ તેને પેવેલિયનમાં મોકલ્યો હતો. ચેન્નાઈના બેટ્સમેનો 8 થી 15 ઓવરની વચ્ચે કોઈ બાઉન્ડ્રી ફટકારી શક્યા ન હતા.
12 ઓવર પછી ચેન્નાઈ સુપર કિંગ્સનો સ્કોર ત્રણ વિકેટે 81 રન છે. રાહુલ ચહરે આ ઓવરમાં માત્ર પાંચ રન આપ્યા હતા. ગાયકવાડ 31 બોલમાં 34 રન બનાવીને રમતમાં છે. તેણે 4 ચોગ્ગા ફટકાર્યા છે. જ્યારે સમીર રિઝવી 12 બોલમાં 10 રન બનાવીને રમતમાં છે. પંજાબે 3 વિકેટ લઈને મેચને સંપૂર્ણ રીતે ફેરવી દીધી છે.
7 ઓવર પછી ચેન્નાઈ સુપર કિંગ્સનો સ્કોર કોઈ વિકેટ વિના 60 રન છે. ઋતુરાજ ગાયકવાડ 23 બોલમાં 4 ચોગ્ગાની મદદથી 28 રન બનાવીને રમતમાં છે. જ્યારે અજિંક્ય રહાણે 19 બોલમાં પાંચ ચોગ્ગાની મદદથી 27 રન બનાવીને રમતમાં છે.
અજિંક્ય રહાણે, રુતુરાજ ગાયકવાડ (કેપ્ટન), ડેરીલ મિશેલ, મોઈન અલી, શિવમ દુબે, રવિન્દ્ર જાડેજા, એમએસ ધોની (વિકેટકીપર), શાર્દુલ ઠાકુર, દીપક ચહર, રિચર્ડ ગ્લીસન, મુસ્તાફિઝુર રહેમાન.
જોની બેરસ્ટો, સેમ કરન (કેપ્ટન), રિલે રોસો, શશાંક સિંહ, જીતેશ શર્મા (વિકેટકીપર), આશુતોષ શર્મા, હરપ્રીત બ્રાર, હર્ષલ પટેલ, કાગીસો રબાડા, રાહુલ ચહર અને અર્શદીપ સિંહ.
પંજાબ કિંગ્સનો કેપ્ટન શિખર ધવન આજે પણ રમી રહ્યો નથી. સેમ કરન આજે પણ તેની જગ્યાએ કેપ્ટન છે. સેમ કરેને ટોસ જીતીને પ્રથમ બોલિંગ કરવાનો નિર્ણય લીધો છે. ચેન્નાઈમાં આજે મોટા ફેરફારો થયા છે. મથિષા પથિરાના અને તુષાર દેશપાંડે આજે રમી રહ્યા નથી
બ્રેકગ્રાઉન્ડ
CSK vs PBKS Playing-11: IPL 2024ની 49મી મેચમાં પાંચ વખતની ચેમ્પિયન ચેન્નાઈ સુપર કિંગ્સનો મુકાબલો પંજાબ કિંગ્સ સામે થશે. આ મેચ ચેન્નાઈના હૉમ ગ્રાઉન્ડ ચેપોકમાં રમાશે. પ્રદર્શનમાં સાતત્યના અભાવે ઝઝૂમી રહેલી ચેન્નાઈની ટીમ પંજાબ સામે ટકરાશે ત્યારે તેની નજર રમતના તમામ વિભાગોમાં સંયુક્ત પ્રદર્શન પર ટકેલી રહેશે.
આ મેચમાં વિજય CSKની સ્થિતિ મજબૂત કરશે અને પ્લેઓફ માટેનો તેમનો દાવો પણ મજબૂત કરશે. આ મેચમાં CSKને જૉની બેયરર્સ્ટો, શશાંકસિંહ અને ફિનિશર આશુતોષ શર્મા ઉપર બધાની નજર રહેશે. શશાંક અને આશુતોષના જબદસ્ત બેટિંગ કરી રહ્યાં છે. જ્યારે બેયરર્સ્ટોએ કોલકાતા સામેની તેની છેલ્લી મેચમાં સદી ફટકારી હતી અને રેકોર્ડ જીત અપાવી હતી.
રહાણે આઉટ ઓફ ફોર્મ
દુબેએ અત્યાર સુધીમાં 350 રન બનાવ્યા છે, જે ગાયકવાડના 447 રન પછી સુપર કિંગ્સ માટે બીજો સર્વોચ્ચ સ્કૉરર છે. તેણે 172.41ના સ્ટ્રાઈક રેટથી આ રન બનાવ્યા છે અને આ મામલામાં ટીમમાં મહેન્દ્ર સિંહ ધોની (259.45) પછી બીજા ક્રમે છે. જોકે આ સિઝનમાં અત્યાર સુધી સુપર કિંગ્સની ઓપનિંગ સારી રહી નથી. ગાયકવાડે શાનદાર પ્રદર્શન કર્યું છે, પરંતુ હવે ડ્રોપ કરાયેલા રચિન રવિન્દ્ર અને અજિંક્ય રહાણે તેમના કેપ્ટનને સાથ આપી શક્યા નથી.
ઓપનિંગ બેટ્સમેન તરીકે રહાણેએ છેલ્લી ચાર ઇનિંગ્સમાં 05, 36, 01 અને 09 રન બનાવ્યા જે તેના અનુભવ અને કૌશલ્યને અનુરૂપ નથી. ટીમ તેને વધુ તક આપે તેવી પૂરી સંભાવના છે. બેટિંગ કોચ માઈકલ હસીએ પણ કહ્યું હતું કે આ 35 વર્ષીય બેટ્સમેન મોટી ઈનિંગ રમવાની નજીક છે.
પંજાબ ટીમ પર આમના પર રહેશે નજર
બીજી તરફ, પંજાબ કિંગ્સ ટીમ રેકોર્ડ લક્ષ્ય હાંસલ કર્યા પછી ગતિ ચાલુ રાખવા અને પોઈન્ટ ટેબલમાં વર્તમાન આઠમા સ્થાનેથી આગળ વધવા માટે આતુર હશે. આ માટે ટીમને ફરી એકવાર બેટ્સમેનો પાસેથી સંયુક્ત પ્રદર્શનની અપેક્ષા છે. જવાબદારી ફરી એકવાર જોની બેયરર્સ્ટો, શશાંકસિંહ અને પ્રભસિમરનસિંહના ખભા પર હશે, જેમણે નાઈટ રાઈડર્સ વિરુદ્ધ સદી ફટકારી હતી. જોકે, ટીમ વિકેટકીપર બેટ્સમેન જીતેશ શર્માનું વધુ પ્રભાવશાળી પ્રદર્શન ઈચ્છશે.
કાગીસો રબાડા, હર્ષલ પટેલ, અર્શદીપસિંહ અને સેમ કરન જેવા અનુભવી બોલરોની હાજરી હોવા છતાં પંજાબ કિંગ્સનું બોલિંગ આક્રમણ થોડું નબળું દેખાય છે. મુલાકાતી ટીમને તેના સ્પિનરો હરપ્રીત બ્રાર અને રાહુલ ચાહરના સારા પ્રદર્શનની પણ જરૂર છે કારણ કે તેઓએ આ સિઝનમાં માત્ર સાત વિકેટ લીધી છે. આ સિવાય નિયમિત કેપ્ટન શિખર ધવન વાપસી કરે છે કે નહીં તે પણ જોવાનું રહ્યું.
- - - - - - - - - Advertisement - - - - - - - - -