રોહિતનો તાબડતોડ છગ્ગો, બૉલ સ્ટેડિયમમાં બેસેલી નાની છોકરીના માથામાં જઇને વાગ્યો ને પછી....... જુઓ વીડિયો

મેચમાં રોહિત શર્માએ અડધી સદી ફટકારી હતી. તેણે 58 બોલમાં 6 ચોગ્ગા અને 5 સિક્સરની મદદથી 76 રન કર્યા હતા.

નવી દિલ્હીઃ ભારત અને ઇંગ્લેન્ડ વચ્ચે ત્રણ વનડે મેચોની સીરીઝની પ્રથમ મેચ ગઇકાલે ઓવલના મેદાનમાં રમાઇ, ભારતીય ટીમે જબરદસ્ત પ્રદર્શન કરતાં ઇંગ્લિશ ટીમને કારમી હાર આપી. આ સાથે સીરીઝમાં ટીમ ઇન્ડિયાએ 1-0થી લીડ બનાવી લીધી છે. જોકે ભારત અને ઇંગ્લેન્ડ વચ્ચેની પ્રથમ મેચ એક દર્દનાક ઘટના જોવા મળી, ખરેખરમાં એક નાની છોકરીને બૉલ વાગતા ડૉક્ટરો દોડતા થઇ ગયા હતા. આવી વીડિયો પણ ખુબ વાયરલ થઇ રહ્યો છે. 

સ્ટેડિયમમાં બેસેલી નાની છોકરીનો બૉલ વાગ્યો - 
ભારત અને ઇંગ્લેન્ડ વચ્ચેની મેચમાં ઇંગ્લેન્ડે ભારતને જીતવા માટે 110 રનોનો ટાર્ગેટ આપ્યો હતો, ભારતીય ઓપનર કેપ્ટન રોહિત શર્મા અને શિખર ધવન ક્રિઝ પર આવ્યા. આ દરમિયાન 4 ઓવર બાદ ભારતનો સ્કોર કોઈ પણ નુકસાન વગર માત્ર આઠ રનનો હતો. 

મેચ દરમિયાન પાંચમી ઓવરમાં પેસર ડેવિડ વિલી આવ્યો હતો. શરૂઆતના બે બોલ પર કોઈ રન ન બનાવ્યા બાદ ત્રીજા બોલ પર રોહિત શર્માએ (Rohit Sharma) રૌદ્ર રૂપ દેખાડ્યું હતું. તેણે આ બોલમાં છગ્ગો ફટકાર્યો, અને બોલ સીધો જઈને સ્ટેડિયમમમાં બેસેલી નાની છોકરીના માથામાં જઇને વાગ્યો હતો. આ સમગ્ર ઘટના કેમેરામેને કેદ કરી લીધી, અને મોટી સ્ક્રીન પર દેખાડી, આ સાથે જ મેદાન પર તમામ લોકો સ્તબ્ધ થઇ ગયા હતા અને મેચ રોકી દેવાઈ હતી.

ઈંગ્લેન્ડ ટીમના ફિઝિયોથેરાપિસ્ટ તરત જ સ્ટેન્ડ તરફ ભાગ્યા હતા, જેથી તેને પ્રાથમિક સારવાર આપી શકાય. કોમેન્ટ્રી કરી રહેલા રવિ શાસ્ત્રી અને ઈંગ્લેન્ડના પૂર્વ કેપ્ટન માઈકલ એથરટને ઓન-એર સ્ટેન્ડમાં બેઠેલા કોઈ દર્શકને બોલ વાગ્યો હોવાનું ઓન-એર કહ્યું હતું. કેમેરા ફરીથી તે તરફ ફેરવવામાં આવ્યો હતો.

રોહિત અને ધવનની શાનદાર બેટિંગ 
મેચમાં રોહિત શર્માએ અડધી સદી ફટકારી હતી. તેણે 58 બોલમાં 6 ચોગ્ગા અને 5 સિક્સરની મદદથી 76 રન કર્યા હતા. તો શિખર ધવને પણ ચાર ચોગ્ગાની મદદથી 54 બોલમાં 31 રન નોંધાવ્યા હતા

આ પણ વાંચો........