નવી દિલ્હી: ભારત અને દક્ષિણ આફ્રિકા વચ્ચે પાંચ મેચની T20 શ્રેણીની પ્રથમ મેચ આજે દિલ્હીના અરુણ જેટલી સ્ટેડિયમમાં રમાશે. વિકેટ કીપર બેટ્સમેન રિષભ પંત ટીમ ઇન્ડિયાની કેપ્ટનશીપ કરતો જોવા મળશે. ભારતીય ટીમ આ વર્ષના અંતમાં ઓસ્ટ્રેલિયામાં યોજાનાર T20 વર્લ્ડ કપ પહેલા યુવા ખેલાડીઓની કસોટી કરવાનો પ્રયાસ કરશે. રોહિત શર્માની ગેરહાજરીમાં લોકેશ રાહુલ ભારતીય ટીમનું નેતૃત્વ કરવાનો હતો પરંતુ તે ઈજાના કારણે સીરિઝમાંથી બહાર થઈ ગયો હતો. મેચ સાંજે સાત વાગ્યે શરૂ થશે.
ભારતની નજર સતત 13મી જીત પર
જો પંત આંતરરાષ્ટ્રીય સ્તરે પ્રથમ વખત નેશનલ ટીમની કેપ્ટનશિપ કરતી વખતે શ્રેણીની શરૂઆતની મેચ જીતવામાં સફળ થાય છે, તો ભારત સતત 13મી T20 જીતીને નવો રેકોર્ડ પણ બનાવશે. રાહુલની ગેરહાજરીમાં રૂતુરાજ ગાયકવાડને તક મળી શકે છે. પરંતુ સૌથી મહત્ત્વની વાત એ છે કે ગાયકવાડ, ઈશાન કિશન અને શ્રેયસ અય્યર સાથેની ટોચની ભારતીય બેટિંગ લાઇન-અપ એક નવો 'લૂક' જોવા મળશે.
કેપ્ટન તરીકે પંત પ્રથમ વખત આંતરરાષ્ટ્રીય શ્રેણી રમશે
પંતને ભવિષ્ય માટે સંભવિત ભારતીય કેપ્ટનના દાવેદારોમાંના એક તરીકે ગણવામાં આવે છે અને ટૂંકા ફોર્મેટમાં ટીમનું નેતૃત્વ કરતી વખતે તેની ક્ષમતા સાબિત કરવા માટે આનાથી વધુ સારી તક ન હોઈ શકે. પંતે કેપ્ટન તરીકે તેની પ્રથમ આંતરરાષ્ટ્રીય શ્રેણી પહેલા કહ્યું હતું કે, "મને કેપ્ટન તરીકે ઘણી મદદ કરશે. જ્યારે તમે થોડા સમય માટે એક જ વસ્તુ કરો છો, ત્યારે તમે સુધારશો અને તેમાંથી શીખતા રહો છો અને મને લાગે છે કે તે મને મદદ કરશે."
ઈશાન કિશન માટે મોટી તક, ઐય્યર ત્રીજા નંબરે રમશે
જો કે, આગામી 10 દિવસમાં મુખ્ય કોચ દ્રવિડનો ટાર્ગેટ કોર ગ્રુપમાંથી કેટલાક ખેલાડીઓને ખાસ જગ્યાઓ માટે શોધવાનો રહેશે. રાહુલની ગેરહાજરી ઈશાન કિશનને ટોચના ક્રમમાં તેની સાતત્ય બતાવવાની તક આપશે. સૂર્યકુમાર યાદવની ગેરહાજરીમાં શ્રેયસ અય્યરને ત્રીજા નંબર પર ઉતારી શકાય છે પરંતુ ફોર્મમાં રહેલા દીપક હુડાને પણ અવગણી શકાય નહીં કારણ કે તેણે લખનઉ સુપર જાયન્ટ્સ માટે ત્રીજા નંબર પર પ્રભાવશાળી પ્રદર્શન કર્યું હતું.
ફિનિશરની ભૂમિકા હાર્દિક પંડ્યા ભજવશે
પંત ચોથા સ્થાને અને નવા વાઇસ-કેપ્ટન હાર્દિક પંડ્યા પાંચમા સ્થાને રમે તેવી શક્યતા છે. જોકે છઠ્ઠા સ્થાને હુડ્ડા અને ટીમમાં પરત ફરેલા દિનેશ કાર્તિકને મેદાનમાં ઉતારવામાં આવી શકે છે. કાર્તિક તેનું IPL ફોર્મ જાળવી શકશે કે કેમ તે જોવાનું રસપ્રદ રહેશે. પંડ્યાએ આઈપીએલમાં ત્રીજા અને ચોથા નંબર પર બેટિંગ કરી હતી પરંતુ તે અહીં 'ફિનિશર'ની ભૂમિકામાં પરત ફરવા માટે તૈયાર હશે.
દ્રવિડે કહ્યું, "ક્યારેક તમે રાષ્ટ્રીય ટીમમાં એ જ ભૂમિકા ભજવો છો જે તમે તમારી ફ્રેન્ચાઇઝી ટીમ માટે રમો છો પરંતુ કેટલીકવાર ભૂમિકાઓ બદલાઈ જાય છે." ભુવનેશ્વર કુમાર ફાસ્ટ બોલિંગ વિભાગનું નેતૃત્વ કરશે જેમાં તેની સાથે 'ડેથ ઓવર્સ' સ્પેશ્યાલિસ્ટ હર્ષલ પટેલ હશે. આ બંને પોતાની ક્ષમતા સાબિત કરવાનો પ્રયાસ કરશે.
અક્ષર પટેલ સ્પિન બોલિંગ ઓલરાઉન્ડર હશે
અવેશ ખાન ત્રીજા ફાસ્ટ બોલરની ભૂમિકા ભજવશે. તે સિવાય અર્શદીપ સિંહ અને ઉમરાન મલિકને ડેબ્યૂ કરવાની તક આપવામાં આવી શકે છે. સ્પિનર કુલદીપ યાદવ પણ હાથની ઈજાને કારણે શ્રેણીમાંથી બહાર થઈ ગયો છે. અક્ષર પટેલ ઓલરાઉન્ડર હશે.
ઈજાગ્રસ્ત રવિન્દ્ર જાડેજાને વર્લ્ડકપની પસંદગી માટે વિચારણા કરવામાં આવી રહી છે અને ચહલને પડતો મૂકી શકાશે નહીં, રવિ બિશ્નોઈએ મજબૂત પ્રદર્શન કરીને પોતાનો દાવો મજબૂત કરવો પડશે. સાઉથ આફ્રિકાએ 2010થી ભારતમાં સીમિત ઓવરોની સિરીઝ હારી નથી અને આ વખતે પણ પોતાની શ્રેષ્ઠ ટીમને મેદાનમાં ઉતારી છે. દક્ષિણ આફ્રિકા માટે શાનદાર ફોર્મમાં રહેલા ડેવિડ મિલર, ક્વિન્ટન ડી કોક અને એડન માર્કરામની ભૂમિકા મહત્વની રહેશે. બોલિંગ વિભાગમાં તબરેઝ શમ્સી અને કેશવ મહારાજની સ્પિન જોડી અને કાગિસો રબાડા અને એનરિચ નોર્કિયાની ઝડપી બોલરો જોડી પર વધુ આધાર રાખશે.