Ind vs SA: વનડે સીરીઝમાં હાર માટે વિલન બન્યો આ ક્રિકેટર, હવે કેરિયર ખતમ થવાના આરે, જાણો

રોહિત શર્માની ગેરહાજરીમાં કેપ્ટન તરીકે જવાબદારી સંભાળી રહેલા કેએલ રાહુલે એક મોટો નિર્ણય લીધો, જે અંતર્ગત વનડે સીરીઝમાં મીડલ ઓર્ડરમાં શ્રેયસ અય્યરને સામેલ કર્યો હતો,

Ind vs SA ODI Series: ભારતીય ક્રિકેટ ટીમે દક્ષિણ આફ્રિકા પ્રવાસમાં એકદમ શરમજનક રીતે હારનો સામનો કર્યો છે. ટેસ્ટ સીરીઝમાં 1-2 થી હાર મળી અને બાદમાં વનડે સીરીઝમાં 0-3 થી ટીમ ઇન્ડિયાને ક્લિન સ્વીપનો સામનો કરવો પડ્યો છે. આ સાથે જ કેટલાક ખેલાડીઓ પર સવાલો ઉઠવાના શરૂ થઇ ગયા છે, આ લિસ્ટમાં સૌથી પહેલું શ્રેયસ અય્યરનુ નામ છે. 

હાર મળતાંની સાથે શ્રેયસ અય્યર મીડલ ઓર્ડરમાં સૌથી મોટો ખતરો બનીને સામે આવ્યો છે, રોહિત શર્માની ગેરહાજરીમાં કેપ્ટન તરીકે જવાબદારી સંભાળી રહેલા કેએલ રાહુલે એક મોટો નિર્ણય લીધો, જે અંતર્ગત વનડે સીરીઝમાં મીડલ ઓર્ડરમાં શ્રેયસ અય્યરને સામેલ કર્યો હતો, પરંતુ શ્રેયસ અય્યર કંઇ ખાસ કરી શક્યો નહીં. 

પ્રથમ મેચમાં શ્રેયસ અય્યર 17 રન બનાવી શક્યો, બીજી વનડેમાં પણ કંઇ ખાસ કમાલ ના કરી શક્યો અને માત્ર 11  રન બનાવીને આઉટ થઇ ગયો હતો, અને ત્રીજી વનડેમાં પણ માત્ર 26 રનની ઇનિંગ રમીને પેવેલિયન ભેગો થઇ ગયો હતો, અય્યરના સીરીઝમાં ફ્લૉપ શૉથી તેના પર હવે ટીમ ઇન્ડિયામાંથી બહાર થવાનો વારો આવી શકે છે. મીડલ ઓર્ડર સતત નિષ્ફળ રહેતા ટીમ ઇન્ડિયાને સીરીઝમાં ક્લિન સ્વીપ થવુ પડ્યુ હતુ. 

IND vs SA 3rd ODI : સાઉથ આફ્રિકાએ રોમાંચક મેચમાં ભારતને 4 રને હરાવ્યું-
રોમાંચક મુકાબલમાં સાઉથ આફ્રીકાની ટીમે ભારતીય ટીમને 4 રનથી હાર આપી છે.ટીમ ઈન્ડિયા 49.2 ઓવરમાં 283 રન બનાવી શકી. ભારત તરફથી વિરાટ કોહલીએ અડધી સદી ફટકારતા 65 રન બન્યા હતા. આ સિવાય ધવને 61 રન અને ચહરે શાનદાર ઈનિંગ રમી 54 રન ફટકારી ટીમને જીતની નજીક પહોંચાડી હતી. પરંતુ અન્ય બેટ્સમેન મેચ જીતાડવામાં સફળ ન રહ્યા.   સાઉથ આફ્રીકાએ પ્રથમ બેટિંગ કરતા 287 રન બનાવ્યા હતા. 

આ પણ વાંચો..........