Vaibhav Suryavanshi record: ભારતીય ક્રિકેટના ઈતિહાસમાં એક નવો અધ્યાય ઉમેરાયો છે. માત્ર 15 વર્ષની ઉંમરે યુવા ખેલાડી વૈભવ સૂર્યવંશીએ ટીમ ઈન્ડિયામાં એન્ટ્રી મારીને ક્રિકેટ જગતના ભગવાન કહેવાતા સચિન તેંડુલકરનો 37 વર્ષ જૂનો રેકોર્ડ તોડી નાખ્યો છે. શુક્રવારે, 6 જૂને BCCI દ્વારા એશિયન ગેમ્સ 2026 તેમજ આયર્લેન્ડ અને ઈંગ્લેન્ડના પ્રવાસ માટે ભારતીય ટીમની જાહેરાત કરવામાં આવી હતી, જેમાં આ યુવા ખેલાડીને ત્રણેય ટીમમાં સ્થાન આપવામાં આવ્યું છે. આ ઐતિહાસિક પસંદગી સાથે જ વૈભવ ભારતીય ટીમ માટે સિલેક્ટ થનાર સૌથી નાની ઉંમરનો ખેલાડી બની ગયો છે.
IPL ના ધમાકેદાર પ્રદર્શને ખોલ્યા ટીમ ઈન્ડિયાના દ્વાર
છેલ્લી બે સીઝનથી IPL માં પોતાના બેટથી તરખાટ મચાવનાર વૈભવે IPL 2026 માં તો કમાલ જ કરી દીધી હતી. તેણે 776 રન ફટકારીને ઓરેન્જ કેપ પોતાના નામે કરી હતી. આ શાનદાર પ્રદર્શનના આધારે જ તેને રાષ્ટ્રીય ટીમમાં સીધી એન્ટ્રી મળી ગઈ છે. આ સાથે તેણે સચિન તેંડુલકરનો મોટો રેકોર્ડ તોડી નાખ્યો છે. 1989 માં જ્યારે સચિનની પહેલીવાર પાકિસ્તાન પ્રવાસ માટે ટીમ ઈન્ડિયામાં પસંદગી થઈ ત્યારે તેની ઉંમર 16 વર્ષની હતી. પરંતુ, વૈભવે માત્ર 15 વર્ષની ઉંમરે આ સિદ્ધિ મેળવીને 37 વર્ષ જૂનો ઈતિહાસ બદલી નાખ્યો છે.
હવે સૌથી નાની ઉંમરે ડેબ્યૂ કરવા પર નજર
હવે ક્રિકેટ ચાહકોની નજર એ વાત પર છે કે શું વૈભવને પ્લેઈંગ ઈલેવનમાં રમવાની તક મળશે કે કેમ. જો વૈભવ આયર્લેન્ડ, ઈંગ્લેન્ડ અથવા એશિયન ગેમ્સમાં પ્લેઈંગ ઈલેવનનો હિસ્સો બનશે, તો તે ભારત માટે સૌથી નાની ઉંમરે આંતરરાષ્ટ્રીય ક્રિકેટમાં ડેબ્યૂ (પદાર્પણ) કરવાનો રેકોર્ડ પણ પોતાના નામે કરી લેશે. હાલમાં આ રેકોર્ડ સચિન તેંડુલકરના નામે છે, જેમણે 16 વર્ષ અને 205 દિવસની ઉંમરે પોતાની પહેલી મેચ રમી હતી. તેમના પછી બીજા ક્રમે પીયૂષ ચાવલા છે, જેમણે 17 વર્ષ અને 75 દિવસની ઉંમરે ડેબ્યૂ કર્યું હતું.
આ પણ વાંચોઃ વૈભવ સૂર્યવંશી ઉપરાંત આ ઘાતક ખેલાડીની પણ ટીમ ઈન્ડિયામાં એન્ટ્રી, જુઓ કોણ છે?
જાહેર થયેલી ભારતીય ટીમો નીચે મુજબ છે:
ઈંગ્લેન્ડ સિરીઝ માટે ટીમ ઈન્ડિયા:
શ્રેયસ ઐયર (કેપ્ટન), તિલક વર્મા (વાઇસ-કેપ્ટન), રવિ બિશ્નોઈ, અભિષેક શર્મા, નીતિશ કુમાર રેડ્ડી, મોહમ્મદ સિરાજ, સંજુ સેમસન, અક્ષર પટેલ, હર્ષિત રાણા, ઈશાન કિશન, વોશિંગ્ટન સુંદર, અર્શદીપ સિંહ, શિવમ દુબે, વરુણ ચક્રવર્તી, પ્રિન્સ યાદવ અને વૈભવ સૂર્યવંશી.
આ પણ વાંચોઃ સૂર્યકુમાર યાદવ પાસેથી કેપ્ટનશીપ છીનવાઈ અને ટીમમાંથી પણ આઉટ, જાણો અગરકરે શું કહ્યું?
આયર્લેન્ડ સિરીઝ માટે ટીમ ઈન્ડિયા:
શ્રેયસ ઐયર (કેપ્ટન), અભિષેક શર્મા, સંજુ સેમસન, ઈશાન કિશન, શિવમ દુબે, તિલક વર્મા, નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, મોહમ્મદ સિરાજ, હર્ષિત રાણા, પ્રિન્સ યાદવ, અર્શદીપ સિંહ અને વૈભવ સૂર્યવંશી.
એશિયન ગેમ્સ માટે ટીમ ઈન્ડિયા:
શ્રેયસ ઐયર (કેપ્ટન), તિલક વર્મા (વાઇસ-કેપ્ટન), રવિ બિશ્નોઈ, અભિષેક શર્મા, નીતીશ કુમાર રેડ્ડી, જસપ્રીત બુમરાહ, સંજુ સેમસન, અક્ષર પટેલ, હર્ષિત રાણા, ઈશાન કિશન, વોશિંગ્ટન સુંદર, અર્શદીપ સિંહ, શિવમ દુબે, વરુણ ચક્રવર્તી અને વૈભવ સૂર્યવંશી.